Александр Лобанов: "Ҳакамларни ишини муҳокама қилмоқчи эмасман"

Ушбу учрашувда "темирйўлчилар" сафарда "шерлар"ни 2:1 ҳисобида мағлубиятга учратди. Қизиқарли кечган баҳсдан сўнг "Пахтакор" клуби дарвозабони Александр Лобанов ўз фикрлари билан ўртоқлашди.

"Ғалабага бўлшан иштиёқ бизда кучли эди. "Локомотив" клубини мағлубиятга учратиш учун бор кучимизни ишга солдик, аммо буни уддалай олмадик. Жамоадошларимга раҳмат айтаман. Ушбу учрашувда ҳакамларга ҳеч қандай эътирозим йўқ. Уларни ишини муҳокама қилмоқчи эмасман. Мен ўз ишимни, улар эса ўз ишини бажариши керак. 

Сўнгги дақиқаларда бизда стандарт вазият ишлаб олдик. Жамоадошларимга ёрдам бериш учун ўз дарвозамни ташлаб рақиб жарима майдончаси ичига етиб бордим. Бурчакдан етказиб берилган тўпга бошим билан зарба бериб Нестеров қўриқлаётган дарвозани ишғол қилишга ҳаракат қилдим. Ҳаводаги тўпга бошим билан эмас юзим билан зарба бердим. Афсуски тўп дарвоза устунидан ўтиб майдонни тарк этди. Нима ҳам дердим, "Локомотив"ни ғалаба билан табриклайман", - дейди Александр Лобанов

Жаҳонгир Сотволдиев ёзиб олди