Александар Митрович: "Бугунги кун футболида осон ўйиннинг ўзи йўқ"
18 сен 2023 17:46
Янгиликлар

Александар Митрович: "Бугунги кун футболида осон ўйиннинг ўзи йўқ"

Осиё Чемпионлар лигасининг 1-туридан ўрин олган "Ал Ҳилол" — "Навбаҳор" учрашувидан аввал мезбонлар ҳужумчиси Александар Митрович бўлажак ўйин ҳақида фикр билдирди.

"Катта нуфуздаги мусобақани мукаммал тайёргарлик билан бошлашни хоҳлаймиз. Мухлисларимиз мавсум бошидан бери бизни астойдил қўллаб-қувватламоқда ва биз уларнинг ортимизда турганини ҳис қиляпмиз. Мухлисларимизнинг ташрифи ва қўллаб-қувватлаши эртанги ўйинга ўз ҳиссасини қўшади. Бугунги кун футболида осон ўйиннинг ўзи йўқ.
Мен ушбу жамоанинг бир қисми бўлганимдан хурсандман ва бу ердаги позитив муҳитдан ҳайратдаман.
“Ал Ҳилол” футболчилари юксак фазилатларга эга, ўзимни жамоага эндигина қўшилганимдек ҳис қилмаяпман.
Мен гол уришни яхши кўраман, лекин ғалабага эришиш учун бир жамоа бўлиб ҳаракат қилиш муҳимроқ ҳисобланади", - деди сербиялик ҳужумчи.

Эслатиб ўтамиз, "Ал Ҳилол” – “Навбаҳор” ўйини бугун Тошкент вақти билан соат 23:00 да старт олади.

Ҳавола :

Манба : championat.asia

Янгиликларни Телеграмда ўқинг!

Рейтинг: +2