"Ал Ҳилол" Тео учун 20+5 млн евро таклиф қилди. "Милан" 25 млн олмоқчи

Аввалроқ, ҳимоячи ва Саудия клуби 3 йиллик шартнома борасида келишиб олгани хабар қилинганди. Унинг бу даврдаги маоши 60 млн еврони ташкил этади.

La Gazzetta dello Sport хабарига кўра, клублар ўртасида келишувга эришилмаган.

"Милан" футболчи учун бонуслардан ташқари бирданига 25 млн евро олишни истамоқда.

"Россонерилар" "Ал Ҳилол"дан якуний таклиф кутмоқда. Теонинг ўзига яна бир неча кун таътил берилди, у душанба куни жамоага қайтмайди.

Франциялик футболчи А Сериянинг ўтган мавсумида 33 та ўйинда майдонга тушиб, 4 та гол ва 3 та голли узатмага муаллифлик қилган.