“Ал Файсали”га янги мураббий тайинланди

Бу ҳақда клуб расмий сайти 2 январь куни расмий хабар берган.

Аввал хабар қилганимиздек, клубга яқинда сербялик 39 ёшли мутахасис Иван Гвозденович ҳам келганди. Аммо клуб раҳбарияти бу қарор билан қониқмаган кўринади. Энди жамоага яна бир мураббий жалб этилди.

Тунислик 47 ёшли мутахасис Набил Куки, бунгача Иордания премьер лигаси пешқадамларидан бири  “Ал Рамтҳа” жамоасини бошқараётган эди.

Набил Куки футболчилик фаолиятини 1990 йилда бошлаган. У ярим ҳимоячи бўлган. Мураббийлик фаолиятини эса 2011 йилдан бошлаган. Набил Куки 2015 йили Суданнинг “Ал-Ҳилол” клубини Африка чемпионлар лигаси (CAF)да ярим финалга олиб чиққан мураббий ҳисобланади.

“Ал Файсали” клубига оид янгиликларни кузатишда давом этамиз.