"Ал Айн" - "Насаф" учрашувини ўзбек футбол мухлисларига яхши таниш бўлган ҳакам бошқариб боради
20 фев 2024 16:49
Янгиликлар

"Ал Айн" - "Насаф" учрашувини ўзбек футбол мухлисларига яхши таниш бўлган ҳакам бошқариб боради

Эртага, 21 февраль куни Осиё чемпионлар лигаси 1/8 финали доирасидаги жавоб баҳслар бўлиб ўтади.

Ўзбекистоннинг "Насаф" клуби сафарда БААнинг "Ал Айн" клуби меҳмони бўлади.

Ушбу учрашувни айни пайтда Австралия фуқароси бўлан асли эронлик Алиризо Фағони бошчилигидаги ҳакамлар бошқариб боришади. Унга қанотларда Антон Шчетинин ва Жорж Лакринидис ёрдам беришади. Ким Жорж Александр захира ҳаками сифатида ишлайди. 38 ёшли аёл Кейт Яцевич ВАР ҳаками бўлади.

Алиризо Фағони бир неча бор терма жамоа ва клубларимиз иштирокидаги ўйинларни бошқарган. Энг машҳурларидан бири 2010 Ўзбекистонда ўтган U-16 Осиё чемпионати финали бўлга. Ўшанда Алексей Евстафеев бошчилигидаги Ўзбекистон КХДРга қарши финалда ўйнаган. Фағони ўша баҳсда Сардор Раҳмонов ва Аббосбек Махсталиевни майдондан четлатган. 0:2 ҳисобидаги мағлубиятдан кейин ўша пайтдаги ЎФФ раҳбари Мираброр Усмонов Фағони билан сўрашишни ҳам истамаганди.

"Насаф" клубининг гуруҳ босқичида "Ал Садд"га қарши кечган баҳсини айнан Фағони бошқариб борганди.

Алиризо Фағони бошқарган ўйинлар:
2023 "Насаф" - "Ал Садд" 3:1
2015 "Бунёдкор" - "Ал Жазира" 2:1
2015 Ўзбекстон - КХДР 3:1
2013 "Бунёдкор" - "Поханг Стилерс" 2:2
2011 КХДР - Ўзбекистон 0:1
2011 Хитой - Ўзбекистон 2:2
2010 Ўзбекистон U-16 - КХДР U-16 - 0:2

ОЧЛ, 1/8 финал, жавоб ўйини
"Ал Айн" - "Насаф"
21 февраль 2024 йил. Ал Айн, "Ҳазза бин Зайд" стаиони. 21:00 (Тошкент вақти)
Бош ҳакам: Алиризо Фағони (Австралия)
Қанот ҳакамлари: Антон Шчетинин ва Жорж Лакринидис (иккаласи Австралия)
Захира ҳаками: Ким Жорж Александр (Австралия)
ВАР: Кейт Яцевич (Австралия)
АВАР: Жон Кирни Робинсон (Австралия).