Akmal Shorahmedov "Bunyodkor"dan ketdi, "Nasaf" unga forma tayyorlab qo'ygan

Narzulla Saydullayev
6 yanv 2017, 20:56
Toshkentning "Bunyodkor" klubi himoyachisi Akmal Shorahmedov faoliyatini boshqa jamoada davom ettiradi.
Tajribali futbolchi 2011 yildan buyon "qaldirg'ochlar" sharafini himoya qilib kelayotgan edi. Biroq murabbiy bilan kelishmovchilik tufayli jamoadan ketadigan bo'ldi.

Futbolchi katta ehtimol bilan faoliyatini Qarshining "Nasaf" klubida davom ettiradi. Ma'lumotlarga ko'ra, "ajdarlar" allaqachon himoyachi uchun maxsus forma ham tayyorlab qo'ygan. Xabaringiz bor, kecha "Nasaf"ning o'ng qanot himoyachisi Shuhrat Muhammadiev "Lokomotiv" klubi bilan shartnoma tuzgan edi.

Shorahmedovga shuningdek, "Olmaliq" klubi ham qiziqish bildirmoqda.

Ertaga "Nasaf" xorijiy yig'in o'tkazish uchun Turkiyaning Antaliya shahriga uchib ketsa, "Bunyodkor" BAAning Sharja shahriga uchadi. 

O'xshash yangiliklar


Narzulla SaydullayevMuallif
Manba: championat.asia