Акмал Ортиқов: “Дурангга мос ўйин бўлди”

Ўйин якунига етгач, олмалиқликлар посбони Акмал Ортиқовнинг фикрлари билан қизиқдик: - Ҳар икки жамоага бугунги учрашувда очко зарур эди. Шу сабабли учрашув осон тарзда ўтгани йўқ. “Навбаҳор” футболчилари ҳам, биз ҳам ижобий натижани қўлга киритиш учун ҳаракат қилдик. Биринчи бўлимда икки тўп фарқидаги устунликка эришгандик. Аммо, танаффусдан кейин бироз бўшашганимиз сабаб мезбонлар вазиятларда самарали фойдаланиб ҳисобни тенглаштиришди. Умуман олганда яхши ўйин бўлди деб ўйлайман. Дурангга хос ўйин бўлди. “Навбаҳор” жамоасига кейинги учрашувларда омад тилайман", - дейди Ортиқов.

"Навбаҳор" матбуот хизмати