Акмал Ортиқов: "Баҳс давомида мураббийлар берган кўрсатмаларни тўлиқ бажаришга уриндик"

- Албатта, ўз уйимизда ва мухлисларимиз кўз ўнгида ғалаба қозониш жуда ёқимли. Қолаверса, бекободда ғалаба қозонганимизга анча вақт бўлганди. Мазкур ғалаба билан "Металлург"нинг ашаддий мухлисларини табриклайман.

"Сўғдиёна" билан уйинга бир ҳафта давомида астойдил таёргарлик кўргандик. Мақсад фақат ва фақат ғалаба қозониш ва очколаримиз сонини ошириб олишни режалаштиргандик. Дейлик, ўйин давомида мураббийларимиз томонидан берилган кўрсатмаларни тўғри бажардик ва катта иштиёқ эвазига ғалаба қозондик деб ўйлайман.

Рақиб "Сўғдиёна" жамоаси ҳам совринли ўринлар учун курашмоқда. Шу сабаб уларга ҳам ғалаба зарур эди. Биз эса уйда ўйнаётганимиздан келиб чиқиб ғалаба қозонмасак бўлмасди. Шунинг учун ҳам иккала жамоада ўйин давомида асабийлик ҳолатлари кузатилди.

"Мавсумни имкон қадар яхши ўринларнинг бирида тугатишни режалаштирганмиз. Қолган баҳсларда ижобий натижалар қайд этган ҳолда, Худо хоҳласа кучли олтиликка киришга ҳаракат қиламиз", - дейди Ортиқов.