Акбар Тўраев: "Жўжани кузда санаймиз"
02 мар 2017 08:01
Янгиликлар

Акбар Тўраев: "Жўжани кузда санаймиз"

"Олмалиқ" клуби янги дарвозабони Акбар Тўраев жамоага келиш тарихи ҳақида гапириб берди.

"Янги мавсум олдидан "Олмалиқ" клубининг янги мураббийлар штаби менга таклиф билан чиқишди. Раҳбарият клуб олдига катта мақсадлар қўйилаётганини маълум қилди. Менга ишонч билдиришгани учун шу жамоани танладим", - дейди Акбар Тўраев.

- Дарвозабонлар ўртасидаги рақобат қандай даражада?
- "Олмалиқ"да 4 нафар дарвозабон бор. Мендан ташқари Хуршид Ходжаев, ёш Низом Зиёвуддинов ва яқинда жамоага келган Аброр Каримов. Ким ўйин куни тайёр бўлса мураббийлар ўша футболчини майдонга туширишади.

- Сизнингча "Олмалиқ" бу йил ОЧЛга йўлланма олишга қодирми?
- Албатта, бунга ишонаман. Ҳар бир ўйинда яхши ҳаракат қилиб хатоларни камроқ қилсак бунга эришамиз. Лекин "жўжани кузда санаймиз".

Нарзулла Сайдуллаев суҳбатлашди