UZ

Сўнгги янгиликлар

22:24Мюллер: «Бавария Гвардиола пайтидагидек ўйинни назорат қилмайди”  1 21:58"100 миллионлик бемор" Азар борасидаги ҳолат сўроқ остида  6 21:45АПЛда клуб раҳбарлари йиғилиши бўлиб ўтди. Унда "Манчестер Сити" масаласи кўрилди  3 21:29"Барселона"нинг асосий ҳимоячиси 1 ойга сафдан чиқди  4 21:19"Оқ-тепа" Эркин Жабборов, Элдор Бойматов, Суннатилла Мамадалиев ва нигериялик легионер билан келишувга эришди  8 21:06“Навбаҳор” янги футболчиларни таништирув маросимини ўтказди  38 20:59"Манчестер Юнайтед" Дембеленинг нархини билиб олди  3 20:47"Барселона" футболчиларининг тана ҳарорати самолётдаёқ текширилди  5 20:28А Сериянинг марказий ўйини мухлисларсиз ўтиши мумкин  5 20:12"Порту"га қарши ўйинда жиддий жароҳат олган "Байер" форварди учун мавсум якунланди  2 19:59Гаттузо: "Мессининг қилаётган ишларини фақатгина "PlayStation"да кўришимиз мумкин"  18 19:46Ван Перси МЮга ким билан шартнома имзолаш кераклигини айтди  4 19:29"Эл Класико"ни бошқарадиган ҳакам аниқ бўлди  26 19:16Англия ва яна икки давлатда 12 ёшгача бўлган болалар тўпни боши билан ўйнаши тақиқлаб қўйилди  3 18:47"Наполи" хавбекини "Реал"га 45 миллион евро эвазига сотишдан бош тортди  0

Агуэро Анрини ортда қолдирди ва АПЛ тарихида энг яхшиси бўлди, лекин... Янгиликлар

Агуэро Анрини ортда қолдирди ва АПЛ тарихида энг яхшиси бўлди, лекин...

Лекин Пеп уни энг яхши форвард деб ҳисобламайди.

Кеча "Манчестер Сити" жамоаси  меҳмонда "Астон Вилла"га қарши майдонга тушди ва 6:1 ҳисобида ғалабага эришди. Пеп шогирдлари 90-дақиқада гол ўтказиб юбордилар: ўйинчилар гол уришдан чарчаб, кичик хато юз берди — Гюндоган Трезегени тепди ва пенальти белгиланди.

Кун қаҳрамони — Серхио Агуэро. Аргентиналик 3та гол урди. Натижада "Вилла"га қарши ўйиндан сўнг "Сити" форвардининг исми АПЛ афсоналари орасига зарҳал ҳарфлар билан ёзиб қўйилди. Масалан, лига тархидаги энг яхши тўпурарлар бешлигига кирди. Шу ҳаракати бўлса, бу кетишда 4-лик, кейин 3-ликдан ўрин олиши аниқ. Қолаверса, у АПЛ тарихидаги энг яхши чет эллик тўпурар Анридан ҳам ўзиб кетди.

Ва бу ҳаммаси эмас. Қуйидаги фактлар билан танишинг.

• Агуэро  — АПЛ тўпурарлари пойгасида (барча даврларда) "ТОП-5"да фақат бир клуб учун гол урган ягона ўйинчи.

• Якшанба куни айнан Агуэро "Астон Вилла"ни енгди, бироқ у топ-клубларга ҳам етарлича гол уради. Унинг 177та голларидан 11таси — "Тоттенхэм", 10таси — "Челси", 8таси — "Арсенал" ва "МЮ", 7таси — "Ливерпуль" дарвозасига урилган. Энг кўп марта "Ньюкасл" (15) дарвозасини ишғол этган. Яна бир муҳим факт: "МЮ" дарвозасига аргентиналикдан фақат битта ўйинчи кўпроқ гол урган — Алан Ширер (10).

• Агуэро голлар самарадорлиги бўйича АПЛда 100дан ортиқ гол урган форвардлардан олдиндадир. У ўртача ҳар 106 дақиқада гол уради, Кейн ҳар 120 минутда, Анри эса ҳар 122 дақиқада рақиб дарвозасини ишғол қилади.

Агуэро билан бирга фаолият юритадиган инсонлар ҳам булар шунчаки тасодиф эмаслигини таъкидлашмоқда: "У доим ҳамма нарсани таҳлил қилади, дарвозабонларнинг ўйин услубини ўрганади — дейди "Сити"нинг собиқ кипери Вилли Кабальеро "The Athletic" нашрига берган интервьюсида. — У бирга-бир вазиятга чиқар экан, рақиб дарвозабони услубидан келиб чиққан ҳолда зарбани амалга оширади".

Жолеон Лескотт ҳам ҳайратда: "Унинг илк машғулоти ёдимда. У Компанини алдаб ўтди, мени ҳам ортда қолдирди. Лекин бу пайтга келиб Винни (Компани) оёққа туриб улгурганди ва тўпни олиб қўядигандек эди. Бироқ Агуэро уни яна алдаб ўтди ва мен Компанига қараб, ўйлаб қолдим: "Ҳа, бу ажойиб трансфер". У АПЛнинг бошқа форвардларидан фарқли тарзда ажралиб туради".

Пеп ўйинчи ҳақида шундай дейди:

— "Сиз ишлаган форвардлар орасида энг яхшиси Агуэроми?", — деб сўрашди Гвардиоладан "Вилла"га қарши ўйиндан сўнг.
— Энг яхшиси - Месси.
У ҳолда, энг яхши "тўққизинчи рақамли" футболчингизми?
— Месси ҳам энг яхши "9", ҳам "10", "11", "6" ва "4" рақамлар ҳам у.

Гвардиола "Сити"ни йиртқичга айлантирди, аммо Пеп келгунча ҳам Агуэро йиртқич футболчи эди. Каталониялик АПЛга келганида, Серхио ҳисобида 125 ўйин бор эди. Шу билан бирга, Пеп ва Серхио ўртасидаги муносабат идеал эмас. Ҳаммаси арзимаган нарсадан бошланганди: Агуэро жамоадошлари орасида инглиз тилида энг ёмон сўзлашадиган ўйинчи эди. Гвардиола эса барча футболчилар равон гапиришларини талаб қиларди (мисол учун, шу масала юзасидан Александр Глеб билан ҳам жанжаллашган).

Футболчи Манчестерга кўчиб ўтганида илк муаммолардан бири Агуэронинг прессингда фаол қатнашмаслиги бўлган эди. Пеп ва Серхио ўртасидаги асосий можаро 2016/17 йилги мавсум — ЕЧЛ доирасида "Барса"га қарши баҳсда форвард захирада қолдирилганида содир бўлган (натижада 0:4 ҳисоб билан мағлуб бўлишган). Шундай бўлса-да, Гвардиола улар ўртасида ҳеч қандай низо йўқлигини таъкидлаган: "У нега захира ўриндиғидан жой олди? Шунчаки ярим ҳимояда менга яна бир ўйинчи керак эди".

Ўша мавсумда Пеп Агуэронинг ҳимоядаги ҳаракатлари уни ҳайрон қолдирмагани ҳақида айтганди: "Албатта, у Габи ёки Бернардо Силва каби кўп ҳаракат қила олмайди, лекин ҳар бир футболчининг устун жиҳатлари бўлади.

Йиллар ўтмоқда ва мураббий ҳамда футболчи ўртасида бу борадаги келишмовчиликлар ҳақидаги гаплар камайиб бормоқда. Бу мавсум ҳужумчи ва мураббий захира ўриндиғидаёқ жанжаллашиб қолишди. Кейинроқ Пеп вазиятга ойдинлик киритди: Агуэро мураббий унинг ўйинидан мамнун бўлмаган деб ўйлади, аслида эса унга ҳеч қандай эътирози йўқ эди. Бу шунчаки тушунмовчилик.

Вақт ўтиб Агуэро тактик жиҳатдан анча кучайди, аммо барибир Гвардиола "дунёсида" энг яхши бўла олмади.

Айтганча, бу кўпчиликнинг ёдидан кўтарилган бўлса ҳам керак, лекин Агуэро 2011 йил "Сити"га бор йўғи 36 млн евро эвазига кўчиб ўтганди. Лекин ўша келишувда испанларни хурсанд қиладиган пунктлар ҳам бор эди: Агуэронинг ҳар 15та голига "Атлетико" 250 мингдан, ҳар 25 ўйин учун – яна 250, АПЛ чемпионлиги учун эса яна бир миллиондан ишлаб оларди.

Мавсумнинг дахшатли якуни ёдингиздами? 11/12-йиллар мавсуми охирида Агуэро ўйиннинг 93:20 (94-дақиқасида) титулни жамоасига олиб берди. Бу гол аргентиналик учун мавсумдаги 30-си эди. Шу сонияда "Атлетико" 1,25 млн евро ишлаб олганди. Агуэро эса клуб тарихидан алоҳида жой олган. Энди эса у – АПЛ афсонасига айланди!


Нозима Зарипова таржимаси

Рейтинг: +16   

Фикрлар

+3   
13 янв 14:52:05
FC CHELSEA....
APL da rekort ornatdingmi boshqalari xechnarsa emas.
Messi xam bir APL xavosini korsa zor bolar edi. Aguveroga qoyil bir xil tempta oynaydi.
+2   
13 янв 15:41:14
Shahzodbek Maxmudov
APL doirasida Shirer va Anri kuchliroq
+2   
13 янв 15:08:43
Ўзбеклигим фахрим
Ўн марта яншиламайдими Тиери Анри минг марта зўр
   
14 янв 10:16:50
Мирзохид Рахимов
Месси ким у?
   
14 янв 00:04:55
Автор Твоей Улыбку
Exxx do'stlar Aguero yam Messi yam o'ziga yarasha o'ynedi
   
13 янв 19:28:11
MENTAL!ST
Aguero o'yinni juda yaxshi o'qiy oladigan hujumchi. Kamchiligi tezligi yuqori emas. Albatta, Messi bilan tenglasha olmaydi, ammo, Aguero shu formasi bilan APL'da afsonalar qatoriga qo'shila olibdi. Shunchaki qoyil qolmay iloji yo'q.
   
13 янв 18:23:52
Abdulbosit Margiloniy
Do'stlar xolis bo'laylik Messi va Aguero ajoyib hujumchilar lekin bir narsani tushunmayman.Nima emish Messi boshqa chempionatda o'ynolmaydi...kulguliku bu))
Messi APLning top-6 jamoalariga gol urishda top 3 da kamida (1-2 o'rinlarda APL o'yinchilari(!)
Ikkinchidan Ronaldinyo,Eto'O,Xavi,Iniesta,Ibragimovic,A.Sanches,Vilya,Anri,
Fabregas,Neymar,Suarez... 10 yil ichida bu kabi yulduzlar bilan o'ynab ham yetakchiligicha qoldi. Sal insof ko'zi bilan qarang-da)
   
13 янв 17:24:44
Zarbdor city
Angilyaga o'tib tarix yaratgan afsonaviy futbolchi
   
13 янв 16:57:14
Abubakirov 17
Eh qaniydi shu APL gayam bir kelip uzini kursatsang edi, daje Argentinadayam yaqqol koʻrinib turganing yuqku, kel bir APL ga biz muhlislar kuraylik qani, balki shunda zorligingga tan berarmiz. Man uchun Ronaldu esbotlap quygan.
   
13 янв 15:11:28
bekhzodsaidov
Aguero va Lewandovski. Bular ronaldu va messini soyasida qolib ketgan topurar afsonalar
   
13 янв 14:42:12
☆ BARÇA ☆ GRIEZMANN ☆
Yaxshi tarjima. Kechagi yil yakunlari haqidagi komentdan anchagina professionallik bor
-1   
13 янв 19:53:34
MENTAL!ST
Messini boshqa ligada gol urolmaydi deb o'ylaydigan ekspertlar diqqatiga:
Messi APL klublariga dubl, xet-trik va poker qilgan hujumchi hisoblanadi. Shuncha yil APLda o'ymab poker qilolmaganlar bor, sal kallani ishlatibroq izoh yozinglar.
Messi 33 uchrashuvda 26 ta gol urgan APL klublariga va bular qandaydir Norvich va hokazolar emas, hammasi kuchli 6 lik klublari edi:
Manchester Yunayted
Manchester Siti
Liverpul
Arsenal
Chelsi
Tottenhem
Shulardan Arsenalga 2 ta dubl,
Liverpulga dubl,
Chelsiga dubl,
Manchester Sitiga het-trik,
Arsenalga poker gollarni urgan. Angliyada shuncha vaqt o'ynab poker qilolmagan hujumchilar turganda Messi poker qilsayu, bitta-ikkita aqllilar chiqvolib Messi urolmaydi desa o'sha odamni qanchalar dunyo qarashi tor ekana deb achinib ketaman. Yetkazib qo'yinglar bilmaganlarga. Messi 33 uchrashuvda 26 ta gol urgan angliyaning TOP klublariga.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг