АГМК Туркиядаги илк ўйинида Грузия жамоасини мағлуб қилди

"Янги мавсумга Анталиядаги ўқув-машғулот йиғини орқали жиддий тайёргарлик кўраётган жамоамиз бугун илк назорат учрашувини ўтказди.

Грузиянинг ўтган мавсум якунларига кўра 6-ўриндаги "Телави" жамоаси рақиб бўлган ўйин қизиқарли ва кескин курашларга ҳамда голларга бой ўтди.

Учрашувнинг 37-дақиқасида Сардор Раҳмонов Санжар Турсуновнинг бурчау зарбасидан оширган тўпини голга айлантирди. Иккинчи бўлим аввалида рақиб футболчиси орадаги фарқни йўққа чиқариб, ўйинда ҳисобни тенглаштирди. Орадан кўп ўтмасдан чап қанотдан ташкил этилган ҳужумни Мурод Тошматов аниқ зарбаси орқали самарали якунлаб, жамоамизни яна ҳисобда олдинга олиб чиқди. Ўйин тугашига 10 дақиқа қолганида "Телави" жамоаси яна учрашувда ҳисобни тенглаштирди. Учрашув тугашига яқин белгиланган жарима зарбасини қойилмақом тарзда амалга оширган Миржамол Қосимов ажойиб зарбаси орқали ғалаба келтирувчи гол муаллифига айланди. Шу тариқа Миржалол Қосимов бошчилигидаги АГМК Анталиядаги ўқув-машғулот йиғини доирасидаги биринчи назорат беллашувида чиройли ўйин кўрсатган ҳолда ажойиб ғалабани нишонлади", — дейилади хабарда.

Назорат ўйини.

14.02.2021.

АГМК - "Телави" (Грузия) 3:2

Анталия, "Эко Дизайн спорт комплекс".

Голлар: Сардор Раҳмонов (37), Муроджон Тошматов (55), Миржамол Қосимов (87)

АГМК — Валижон Раҳимов - Мирғиёс Сулаймонов, Аббос Отахонов, Сардор Раҳмонов, Акром Комилов - Дилшод Жўраев, Жасур Умаров, Санжар Шоаҳмедов - Санжар Турсунов, Зафар Полвонов, Муроджон Тошматов.

Захирадан майдонга тушганлар: Шероз Жалолов, Йован Жокич, Миржамол Қосимов, Александр Касьян, Сарвар Аблаев, Камрон Абдулҳамидов.

Ўйиндаги хавфли вазиятлар акс этган видеолавҳани томоша қилинг