UZ

Сўнгги янгиликлар

12:43Коларов Кивунинг "Интер"даги штабига киради. У Сербия ёшлар терма жамоасини бошқараётган эди  0 11:41Аллегри "Милан" Адриен Рабьо билан шартнома имзолашини хоҳлайди  0 11:10ЖЧ-2026 саралаши. Анчелотти Бразилияни Жаҳон чемпионатига олиб чиқди  2 11:00Пролига. Бугун 9-турга старт берилади  0 10:38Марк-Андре тер Штеген фаолиятини АПЛда давом эттириши мумкин  4 10:11Италия термасини бошқаришга асосий номзод маълум  4 09:45Клоппнинг икки нафар собиқ ёрдамчилари “Манчестер Сити“ билан шартнома имзолади  3 09:18He we go! “Ливерпуль“ ёзнинг энг катта трансферини ҳал қилди  5 08:51Клаудио Раньери қарорини маълум қилди  2 08:23Суперлига. 12-тур ҳакамлари маълум  1 07:55Расман: Жоб Беллингем — “Боруссия Д“ футболчиси  2 07:20Юртбошимиз ташриф буюрган, Ўзбекистон МТЖ йирик ҳисобда ғалаба қозонган ва мухлислар маза қилган учрашувдан СУПEРГАЛEРEЯ  8 06:50Ўртоқлик учрашуви. Англия тарихда илк бор Африка терма жамоасига мағлуб бўлди  3 06:00Шавкат Мирзиёев футболчиларга BYD совға қилди  5 02:29Расман: "Манчестер Сити" навбатдаги трансферни эълон қилди  3

АГМК сафида нидерландиялик футболчи кўрикдан ўтмоқда Янгиликлар

АГМК сафида нидерландиялик футболчи кўрикдан ўтмоқда

АГМК Анталиядаги ўқув-машғулот йиғини доирасидаги навбатдаги назорат учрашувини ўтказди.

"Бу галги рақиб ўтган мавсум якунларига кўра чемпионатда бронза медални қўлга киритган Беларуснинг "Торпедо Белаз" жамоаси бўлди.

Ўйин ноқулай об-ҳаво, яъни кучли бўронли шамол остида ўтгани жамоаларга қийинчилик туғдирди.

Учрашувнинг 5-дақиқасида Устинов томонидан берилган кучли зарба шамол ёрдамида дарвозанинг юқори тўққизлигидан жой олди. Биринчи тайм ўрталарига келиб жамоамиз устунликни қўлга олиб, ҳужумга зўр берди. Бироқ шамолга қарши ўйнашга тўғри келган баҳсда футболчиларимизнинг ўйлаган режалари якунда амалга ошмай қолаверди. Мурод Тошматов, Санжар Шоаҳмедов ва Зафар Полвонов қатор вазиятларда имкониятга эга бўлишди, лекин якуний зарбани беришда уларга аниқлик етишмади.

Иккинчи тайм ўрталарига яқин қатор ўзгаришлар руй берди. Ўйинга жамоамизнинг Анталиядаги йиғинига кеча келиб қўшилган кўрикдаги нидерландиялик вингер, Кабо-Верде терма жамоаси аъзоси Элвин Фортес ҳам туширилди. Элвин Фортес қисқа вақт ичида ўзининг юқори техника ва дриблинг ҳаракатлари билан ажралиб турди. Айнан Фортеснинг фаол ҳаракати ва жарима майдончасига киришга бўлган уриниши чоғида рақиб томонидан ишлатилган қўполлик натижасида жамоамиз учрашувнинг 83-дақиқасида пенальти тепиш ҳуқуқини қўлга киритди. Раҳмонов эса нуқтадан адашмади ва ўйинда мувозанатни тиклади. Лекин баҳс тугашига 2 дақиқа қолганида "Торпедо Белаз" жамоаси бурчак зарбасидан кейин жарима майдончаси ичида юзага келган пала-партишликдан фойдаланиб, ғалаба тўпини киритишга муваффақ бўлди.

Шу тариқа кучли шамол остида кечган баҳсда жамоамиз "Торпедо Белаз"га имкониятни бой берди.

Учрашувда Шоҳруҳ Гадоев, Александр Касьян жароҳатлари боис иштирок этишмади. Ҳусниддин Ғофуров ва Ботирали Эргашев миллий терма жамоа йиғинида бўлиб туришибди ва улар эртага жамоага қўшилиши режалаштирилган. Бугундан эътиборан Анталияга келган жамоамизнинг янги аъзоси Владимир Козак эртадан машғулотларни бошлайди", – дея хабар берди олмалиқликлар матбуот хизмати.

Назорат ўйини.

17 февраль, чоршанба.

Анталия, "Эко Дизайн спорт комплекси".

"Торпедо Белаз" - АГМК 2:1

Голлар: Устинов (5), Одеоибо (87) - Сардор Раҳмонов (84)

"Торпедо Белаз" — Алексей Козлов, Виталий Устинов, Игорь Бурко, Дмитрий Яшин, Алан Аусси, Андрей Хачатурян, Никита Николаевич, Велозу Липе, Юрий Габовда, Алексей Антилевский, Дмитрий Антилевский.

АГМК — Суҳроб Султонов - Мирғиёс Сулаймонов, Аббос Отахонов, Сардор Раҳмонов, Акром Комилов - Йован Жокич, Миржамол Қосимов, Санжар Шоаҳмедов - Санжар Турсунов, Зафар Полвонов, Мурод Тошматов.

Захирадан майдонга тушганлар: Дилшод Аҳмадалиев, Бобурбек Йўлдошев, Жасур Умаров, Сарвар Аблаев, Шероз Жалолов, Дилшод Жўраев, Элвин Фортес, Камрон Абдулҳамидов.

Рейтинг: +22   

Фикрлар

championat.asia
< сўнгги янгиликларни кўриш
Яндекс.Метрика