АГМК Россияга клубига ютқазди
22 июн 2018 09:29
Янгиликлар

АГМК Россияга клубига ютқазди

Теглар : АГМК

Кеча АГМК Минск шаҳрида давом этаётган ўқув-йиғини доирасида илк назорат ўйинини ўтказди.

Минскдаги "Торпедо" стадионида бўлиб ўтган баҳсда олмалиқликларга Санкт-Петербургнинг "Динамо" жамоаси рақиблик қилди. Навбатдаги мавсумда бу жамоа Сочи шаҳрига кўчиб ўтади ва Россия биринчи дивизионида ўз иштирокини давом эттиради.

Александр Точилин бош мураббийлигида бу жамоа ортда қолган мавсумда 20 жамоа иштирок этган ФНЛда 6-ўринни қўлга киритди.

Қизиқарли кечган баҳсда АГМК устози Бахтиёр Ашурматов машғулотларда қатнашаётган барча футболчига бу баҳсда майдонга тушиш имконини берди. Ўйин тақдирини 42-дақиқада Анзор Саная томонидан урилган гол ҳал қилди.

АГМК навбатдаги назорат ўйинини 24 июнь куни Калининграднинг "Балтика" жамоасига қарши ўтказади. Бу жамоага ўзбекистонлик мухлисларга яхши таниш Валерий Непомняший устозлик қилмоқда.