АГМК назорат ўйинида ғалаба қозонди, Мате Ватсадзе хет-трик қайд этди

Бу ҳақда клуб матбуот хизмати хабар қилди.

Учрашувда жами 9та гол, бир четлатиш ва иккита пенальти бўлди. Эътиборлиси, ҳар иккала пенальти жамоамиз дарвозаси томон белгиланди ва четлатиш ҳам айнан АГМК ҳимоячиси Бобур Йўлдошев билан руй берди.

Дастлабки бўлимда жамоамиз рақиб дарвозасига учта гол урган бўлса, танаффусдан кейин яна 4 маротаба дарвоза тўрига тўп киритилди. "Рубин" эса бир маротаба пенальтидан гол урган, иккинчиси ўйин пайти руй берди. Биринчи таймда дарвозамизни қўриқлаган Роман Абдулов пенальтини қайтарган бўлса, иккинчи бўлимда рақиб жамоа Валижон Раҳимов қўриқлаган дарвозани "нуқта"дан ишғол этди.

Жамоамиз голларига тўрт нафар футболчи муаллифлик қилди. Мате Ватсадзе хет-трик қайд этган бўлса, Шаҳзод Нурматов дублга эришди, яна биттадан голга Арслонмират Аманов ва Эркин Байдуллаев муаллифлик қилишди.

Назорат ўйини.

5 июнь, жума.

АГМК - "Рубин" 7:2

Голлар: Мате Ватсадзе (3та), Шаҳзод Нурматов (2та), Арслонмират Аманов, Эркин Байдуллаев.

АГМК - Роман Абдулов - Мирғиёс Сулаймонов, Дилшод Жўраев, Бобур Йўлдошев, Шероз Жалолов - Эркин Байдуллаев, Жасур Умаров, Шаҳзод Нурматов - Арслонмират Аманов, Мате Ватсадзе, Ҳожимат Эркинов.

Захирадан майдонга тушган футболчилар: Валижон Раҳимов, Сайдулло Тошпўлатов.

Четлатиш: Бобур Йўлдошев. 

АГМК эртага ҳам назорат ўйинида "Локомотив"га қарши майдонга тушиши режалаштирилган.