Аднан Ораховац: “Мусобақа жадвалида ўзимизга мос бўлмаган ўринда турибмиз”

Бу турда “Пахтакор” ҳамда “Локомотив” жамоалари куч синашишди. Ушбу баҳсда “шерлар”нинг қўли баланд келди (2:1). Учрашувдан сўнг “Пахтакор” клуби ҳимоячиси Аднан Ораховац ўз фикрларини билдирди.

“Жуда ҳам оғир учрашувни ўтказдик. Биз ғалаба қозонишни жуда ҳам истаётганимизни биринчи бўлимдаёқ намоён қилдик. Ҳозир мусобақа жадвалида ўзимизга мос бўлмаган жойда турибмиз. “Локомотив”га қарши жуда яхши ўйин кўрсатдик. Биринчи бўлимда яна голга тортадиган вазиятлар бўлди, аммо улардан фойдалана олмадик. Ўтказиб юборилган голда ҳимоячиларни айби бор. Иккинчи бўлимда ҳимоявий ўйин кўрсатдик,” - дейди Аднан Ораховац.

Жаҳонгир Сотволдиев