Абрамович "Челси" билан хайрлашув хатини ёзди

"Бу клубнинг эгаси бўлиш жуда катта масъулиятни юклади. Йигирма йил олдин бу клубга келганимдан кейин нималарга эришганимизни ўз кўзим билан кўриб бордим.

Клубнинг янги эгаларига сабр тилаб, уларга эркаклар ва аёллар жамоаларига қаттиқ эътибор беришни, ундан ташқари, клубнинг бошқа аспектлари - академия ҳамда "Челси"нинг бир умрлик муҳим фондини ривожланишида ўзининг ҳиссасини қўшаверишини сўраб қолган бўлардим.

Ишларимиз муваффақиятли якунланганидан хурсандман. Клубни янги эгаларга топшираётган эканман, уларга майдонда ва унинг ташқарисида доимий муваффақият тилайман. Мен билан бирга ишлаган ҳозирги ва собиқ футболчилар, клуб ишчилари, мухлисларига ўтган ажойиб йиллар учун раҳмат айтаман.

Биргаликда қайд этган натижаларимиз миллионлаб инсонларга қувонч баҳш қилди. Клубдаги бу меросни барчамиз бирга қолдира олдик", - деб ёзади Абрамович.