Абдуқодир Ҳусанов бешинчи ўринда
23 янв 2025 20:20
Янгиликлар

Абдуқодир Ҳусанов бешинчи ўринда

Хабарингиз бор, бир неча кун аввал Абдуқодир Ҳусанов "Ланс"дан "Манчестер Сити" сафига кўчиб ўтди.

Эътиборлиси, Абдуқодир Ҳусанов МДҲ давлатлари футболчилари трансферлари ичида ТОП-10дан ўрин олди.

Аниқроқ айтадиган бўлсак, Ўзбекистон терма жамоаси ҳимоячисининг "Ланс"дан "Манчестер Сити"га ўтиши инглиз клубига 40 млн еврога тушди. Бу кўрсаткич бўйича Ҳусанов бешинчи поғонани банд этди. Ундан олдинда фақатгиан Михаило Мудрик ("Шахтер"дан "Челси"га, 70 млн евро), Хвича Кварацхелия ("Наполи"дан ПСЖга, 70 млн евро), Андрей Шевченко ("Милан"дан "Челси"га, 43,9 млн евро) ва Генрих Мхитарян (Дортмунднинг "Боруссия"сидан "Манчестер Юнайтед"га, 42 млн евро) ўрин олган.

Умид қиламизки, Абдуқодир Ҳусановнинг АПЛдаги фаолияти ҳам ёрқин бўлиб, кўплаб рейтингларда юқори ўринларни эгаллайди.