Аббос Файзуллаев Қатар ҳақида: "Биз ҳар битта ўйинни ютмоқчимиз"
30 янв 2024 20:44
Янгиликлар

Аббос Файзуллаев Қатар ҳақида: "Биз ҳар битта ўйинни ютмоқчимиз"

Осиё кубоги-2023 1/8 финал доирасидаги Таиланд (2:1)га қарши ўйиннинг энг яхши футболчиси бўлган Аббос Файзуллаев баҳсдан сўнг ўз фикрларини билдириб ўтди.

"Бутун Ўзбекистон халқини ғалаба билан табриклайман. Шунингдек, Тожикистон ва Қирғизистондан қўллаб-қувватлаганларга ҳам раҳмат.

Ўйинга келсак, унга яхши тайёргарлик кўргандик ва тактик жиҳатдан рақибни яхши ўргангандик. Бугун яхши ўйин кўрсатдик деб ўйлайман. Асосийси ғалаба ва кейинги босқичга чиққанимиз.

1:1 бўлган вазиятдаги босим? Унчалик босим бўлмади, бу ўйинда бўлиб турадиган ҳолат ва асосий тўхтаб қолмасликдир. Биз эса ҳаракат қилдик ва иккинчи голни уришга эришдик.

Қатарга келсак, Қатар жуда яхши жамоа, ўйинчилари ҳам индивидуал жиҳатдан кучли. Афиф ва Ал Ҳайдос каби жуда яхши ўйинчиларга эга. Қатарга қарши жуда қизиқарли ўйин бўлади деб ўйлайман. Олдимиздаги ҳар битта ўйинни ютмоқчимиз", — дейди Таиландга қарши ўйин қаҳрамони.

Ҳавола :

Манба : championat.asia

Янгиликларни Телеграмда ўқинг!

Рейтинг: +25