Аббос Файзуллаев кечаги хатоси учун ЦСКА мухлисларидан кечирим сўради

ЦСКА кеча РПЛ 29-турида "Локомотив" билан рўбарў келиб, 2:2 ҳисобида дуранг ўйнади. "Армиячилар" иккинчи голни Файзуллаевнинг хатосидан кейин ўтказиб юборди. 

21 ёшли футболчи бир неча дақиқа олдин Instagram саҳифасида қуйидагиларни ёзиб қолдирди:

"Иккинчи голдаги хатом учун барча мухлислардан узр сўрайман. Бутун масъулиятни зиммамга оламан ва кейинги ўйинларда жамоага ёрдам беришга ҳаракат қиламан", – деди Файзуллаев.

ЦСКА 29 турдан сўнг мусобақа жадвалида 56 очко билан тўртинчи ўринда бормоқда. 

Аввалроқ SofaScore Ўзбекистон МТЖ аъзосига 6,6 балл қўйганди. Бундан ташқари, ЦСКА устози Марко Николич Файзуллаев ҳақида фикр билдирган эди.