А Серияда ҳам клублар сони қисқариши мумкин
04 фев 2019 23:29
Янгиликлар

А Серияда ҳам клублар сони қисқариши мумкин

Теглар : А Серия

А Серия раҳбари Гаэтано Миккиче хабар беришича, Италия чемпионатининг асосий дивизионидаги жамоалар сони 18тага қадар қисқартирилиши мумкин.

"Бундеслигани ҳисобга олмаганда Европанинг барча кучли чемпионатларида 20тадан жамоа қатнашади. Италия футбол федерациясининг сўнгги йиғилиши вақтида бизга жамоалар сонини 20дан 18тага қадар камайтириш қарорини қабул қилишга рухсат берилди.

Ҳамма ютуқ ва камчиликларини инобатга олган ҳолда, тез орада учрашув ташкил қилиб бу ҳақда якуний қарорга келамиз. Федерация ҳар бир лигадаги жамоалар сонини ўйлаб кўриш имкониятини берди ва бу ажойиб", — дея Миккиченинг сўзларини келтирди Football Italia нашри.

Эслатиб ўтиамиз, охирги 7 йилда А Серия чемпионлигини "Ювентус" қўлга киритиб келмоқда. Туринликлар жорий мавсум ҳам етакчилик қилишмоқда.

Ҳавола :

Манба : Football Italia

Янгиликларни Телеграмда ўқинг!

Рейтинг: +7