UZ

Сўнгги янгиликлар

21:05Италия Кубоги. “Аталанта” – “Лацио”. Асосий таркиблар  0 20:58Бошидан оғир жароҳат олган Рауль Хименес қачон сафга қайтиши маълум  0 20:35“Рома” Жекони “Челси” форварди билан алмашмоқчи  1 20:20“Тоттенхэм” Ди Мария билан алоқа ўрнатди  2 19:55Клопп Тухелнинг “Челси”га мураббий бўлгани ҳақида фикр билдирди  5 19:40“Интер” янги логотипининг кўриниши пайдо бўлди  7 19:25Роналду ва Дибала бугунги баҳсда “Ювентус”га ёрдам беролмайди  3 19:05Иван Соловьёв: "Кучлироқ жамоалар билан кўпроқ ўйнашимиз керак"   8 18:55Эшитдик-да! Азизбек Турғунбоев "Пахтакор"га ўтмоқда. Бунинг сабаби бор  56 18:47Карикатура: Златаннинг қилиқлари "Милан"нинг мағлуб бўлишига сабабчи бўлди  1 18:33"Локомотив" ва "Қизилқум" ўртасидаги ўйиндан ГАЛЕРЕЯ  2 18:23Оскар: "Челси"да фаолиятимни якунлашни хоҳлайман"  8 18:13Машариповга Саудия Арабистонининг яна бир клуби қизиқмоқда  35 18:00Эдегор: "Артета менга ишонди - бу жуда муҳим"  3 17:38Грэй "Байер" билан шахсий шартнома шартлари бўйича келишиб олди  0

А ПРО-Лига. Жорий мавсум якунлари бўйича жамоаларда кўрсаткичлар қандай? Янгиликлар

А ПРО-Лига. Жорий мавсум якунлари бўйича жамоаларда кўрсаткичлар қандай?

Жами 8 та жамоа иштирок этган холда 4 давралик тизимда ўтказилган А ПРО-Лига мусобақасининг жорий мавсуми якунларига кўра, Муборакнинг "Машъал" жамоаси ғолибликни қўлга киритди.

Келинг, бугун сизлар билан А ПРО-Лиганинг 2019-йилги мавсумида жамоалар томонидан қайд этилган натижаларни таҳлил қиламиз.

1. "МАШЪАЛ". Жами 55 очко жамғариб, мусобақа ғолиблигини қўлга киритган муборакликлар жорий мавсумда ўтказилган 28 та турда жами 16 бор ғалаба, 7 марта дуранг натижа ҳамда 5 бор мағлубият қайд этганликларини таъкидлаш жоиз. "Машъал" ушбу мавсумда рақиблари дарвозасига 49 та гол киритиб, ўз дарвозасидан 24 марта тўп ўтказиб юборди. Эътиборлиси муборакликлар жорий мавсумда энг кам гол ўтказиб юборган жамоа сифатида намоён бўлдилар.


2. "ИСТИҚЛОЛ". Бутун мавсум давомида мусобақа жадвалида пешқадамлик учун курашиб келган Фарғонанинг "Истиқлол" жамоаси жорий мавсумда 53 очко билан А ПРО-Лигада иккинчи ўринни қўлга киритдилар. "Истиқлол" ўтказилган 28 турда жами 16 та ғалаба, 5 дуранг, 7 та мағлубият қайд этди. Рақиблари дарвозасини 61 бор ишғол этишга муваффақ бўлган фарғоналиклар мавсум давомида энг кўп гол урган жамоа сифатида тарихда қоладиган бўлдилар. Шу билан улар ўз дарвозаларидан 28 бор тўп олиб чиққанликларини таъкидлаб ўтиш жоиз.


3. "ОҚ-ТЕПА". Ўтказилган 28-турда 16 та ғалаба, 3 дуранг, 9 мағлубият қайд этган тошкентликлар жами 51 очко билан А ПРО-Лигада учинчи ўринни қўлга киритдилар. "Оқ-Тепа" жамоаси вакиллари жорий мавсумда рақиблари дарвозасига 59 та гол киритиб, 42 та ўтказиб юбордилар. Шу ўринда "Оқ-Тепа" жамоаси ҳужумчиси Павел Пуришкин жами 19 та гол билан жорий мавсум тўпурарига айланганлигини таъкидлаш ўринли бўларди.


4. "НЕФТЧИ". Илк бор ПРО-Лига мусобақасида иштирок этган Ўзбекистоннинг 5 карра чемпиони Фарғонанинг "Нефтчи" жамоаси жорий мавсумда жами 15 ғалаба, 3 дуранг ва 10 мағлубият қайд этган холда 48 очко жамғариб, мусобақа жадвалида тўртинчи ўринни эгаллади. Фарғоналиклар ўтказилган 28 та турда рақиблари дарвозасига 37 та гол киритиб, 26 та ўтказиб юбордилар.


5. "ШЎРТАН". Ғузорликлар жорий мавсумда ўтказилган 28 та турнинг 15 тасида ғалаба қозонишни уддасидан чиқдилар. Шунингдек 3 бор дуранг ва 10 мағлубият қайд этган холда "Нефтчи" жамоаси билан бир хил 48 очко жамғардилар. Ўзаро баҳслардаги устунлик фарғоналиклар томонида бўлганлиги сабабли "Шўртан" мусобақа жадвалининг 5-поғонасидан жой олди. Ғузорликлар рақиблари дарвозасига 56 та гол киритиб, 36 та ўтказиб юбордилар.


6. "ХОРАЗМ"
. Жами 14 ғалаба, 5 дуранг, 9 мағлубият қайд этган "Хоразм" жамоаси "Нефтчи" ва "Шўртан"дан атиги бир очко кам, яъни 47 очко билан А ПРО-Лигада олтинчи ўринни эгаллади. Хоразмликлар жорий мавсумда рақиблари дарвозасига 55 та гол киритиб, 37 бор ўз дарвозаларидан тўп олиб чиқишга мажбур бўлдилар. Шу ўринда жамоа сардори, тажрибали посбон Ғайрат Ўдаев кўплаб учрашувларда маҳорат кўрсатиб, "Хоразм"ни голлардан сақлаб қолганлигини аълоҳида айтиб ўтиш жоиз.

7. "ШЕРДОР". Самарқандликлар 2019-йилги А ПРО-Лигада 4 бор ғалаба, 2 та дуранг ва 22 та мағлубият қайд этган холда 14 очко билан еттинчи поғонадан жой олдилар. "Шердор" вакиллари рақиблари дарвозасига 36 та гол киритиб, 73 бор гол ўтказиб юбордилар.

8. "ИФТИХОР". Мусобақадан четлатилганлиги туфайли мавсумни охирига етказа олмаган олтиариқликлар 1та ғалаба, 2 дуранг ва 25 мағлубият (техник мағлубиятлар қўшиб ҳисобланган) қайд этдилар. Жами 5 очко жамғара олган "Ифтихор" мусобақа жадвалида сўнги ўринни эгаллади. Ўз дарвозасидан энг кўп гол ўтказган жамоа сифатида қайд этилган "Ифтихор" рақиблари дарвозасига 16 та гол киритиб, 103 та ўтказиб юборганлигини эътироф этиш жоиз.


Бекзод Толибов тайёрлади

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика