UZ

Сўнгги янгиликлар

02:00Olamsport: Россиянинг бутунлай четлатилишини талаб қилишмоқда, Жошуага ультиматум қўйилди ва бошқа хабарлар  0 01:54"Реал" Кулибали учун Модричдан воз кечишга тайёр  1 01:37Ёзда испаниялик футболчилар "Бавария"ни тарк этишади  0 01:15Европа лигаси. "Севилья" ва "Лацио"да мағлубият, "Арсенал" эса очко йўқотди  0 00:35"Атлетико" яна бир жаҳон чемпионини сотиб юборади  2 00:19"Рома", "Вулверхэмптон" ва ЦСКА жамоаларининг асосий таркиблари билан танишинг  0 00:10ЕЛ. МЮ ва "Порту" клубларининг асосий таркиблари маълум  1 23:40Япония терма жамоаси ҳужумчиси 1 январь куни "Ливерпуль" сафига қўшилади  17 23:25Пулишич яна бир шахсий мукофотга эга чиқди  2 23:17Одил Аҳмедов ва Владимир Козак "Навбаҳор" машғулотларида қатнашишди  24 22:51"Интер" Льоренте билан шартнома имзолаши мумкин  1 22:27Бокуда Марказий Осиё футбол ассоциациялари учун ФИФА лойиҳаларини амалга ошириш бўйича семинар ўтказилди  1 22:18ЕЛ. "Лацио", "Севилья" ва "Краснодар" жамоаларининг асосий таркиблари маълум  1 22:10Суперлига-2019. Мавсумнинг энг чиройли голлари ТОП-30 (овоз беринг)  42 21:55Европа лигаси, 6-тур. "Стандарт" - "Арсенал". Асосий таркиблар маълум  3

А ПРО-Лига. Иккита пенальти, битта қизил карточка кўрсатилган ўйинда "Истиқлол" мағлуб бўлди Янгиликлар

А ПРО-Лига. Иккита пенальти, битта қизил карточка кўрсатилган ўйинда "Истиқлол" мағлуб бўлди

А ПРО-Лиганинг 13-турида Фарғонанинг "Истиқлол" жамоаси ўз майдонида "Оқ-тепа"ни қабул қилди.

Учрашув ҳар икки жамоа вакилларининг фаол ҳаракатлари билан бошланди. Дастлабки дақиқаларданоқ ҳужумга ўтган мезбонлар 7-дақиқадаёқ қарши ҳужумда гол билан жазоланишди. Бу вазиятда ҳимоячилар таъқибидан қочиб кетган меҳмонлар футболчиси Павел Пуришкин "Истиқлол" дарвозаси томон кучли зарба йўллади, тўп ҳимоячига тегиб йўналишини ўзгартирди ва мезбонлар дарвозасидан жой олди - 0:1. Орадан кўп ўтмай учрашувда ҳисоб тенглашди. 17-дақиқада меҳмонлар ўз жарима майдонлари ичида Элёр Мамасолиевга нисбатан қўполлик ишлатишди ва учрашувни бошқариб бораётган ҳакам 11-метрлик нуқтани кўрсатди. Белгиланган пенальтини "Истиқлол" жамоасининг тажрибали футболчиси Абдухолиқ Қурбонов кучли зарба билан голга айлантирди - 1:1. Биринчи бўлим 38-дақиқасида рақиб ҳимоячилари йўқ қўйган хатодан унумли фойдаланган холда “Истиқлол"нинг ёш футболчиси Бобур Эргашев меҳмонлар дарвозасини ишғол этди - 2:1. Биринчи бўлим шу ҳисоб билан якунига етди.

Иккинчи бўлимни мезбон жамоа вакиллари фаол бошладилар. Ўз навбатида "Истиқлол" жамоасининг кетма-кет ҳужумларига "Оқ-тепа" вакиллари қарши ҳужум билан жавоб бериб, хавфли вазиятларни юзага келтирдилар. 75-дақиқада бош ҳакам учрашувда иккинчи бор пенальти белгилади, бу сафар меҳмонлар фойдасига. 11 метрлик нуқтага яқинлашган Орипхўжа Абдухолиқов зарбада адашмади - 2:2. Учрашув якунланиб бораётган паллада бош ҳакам "Истиқлол" жамоаси сардори Тимур Султоновга қизил карточкс кўрсатди. Майдонда 10 киши бўлиб қолишганига қарамай, учрашувда ғалаба қозониш учун кетма-кет ҳужум ташкил этган мезбонлардан кўплаб вазиятларда омад юз ўгирди. Аксинча ҳакам томонидан қўшиб берилган сўнги дақиқада "Оқ-тепа" футболчиси Жамшид Юсупов дарвозабон билан бирга-бир вазиятга чиқиб бориб, мезбонлар дарвозасига гол киритди - 2:3. Учрашув шу тариқа "Оқ-тепа" жамоасининг ғалабаси билан якунига етди.

А ПРО-Лига. 13-тур.

"Истиқлол" - "Оқ-тепа" 2:3 (2:1)

Ҳакамлар:
Р. Лутфуллин, А. Абдуллаев, К. Баҳодиров
Назоратчи: Олег Дачев
Комиссар: Эркин Бахтиёров

Голлар: Павел Пуришкин 6 (0:1), Абдухолиқ Қурбонов 17-пен. (1:1), Бобур Эргашев 38 (2:1), Орипхўжа Абдухолиқов 75-пен. (2:2), Жамшид Юсупов 90+3, (2:3)

"Истиқлол": 1. Рустам Нартаджиев,3. Фарруҳ Иброҳимов, 4. Жасур Эрмаматов, 5. Абдуҳолиқ Қурбонов, 10. Элёр Акбаров,13. Тимур Султонов, 14.Рустам Абдуҳамидов, 21. Элёр Мамасолиев,22. Сардор Телъяков, 70. Бобур Эргашев,99. Темур Маматмурадов
Захира: 45. Нодир Ашурматов, 7. Риза Айвазов, 18. Шоҳруҳ Бойқўзиев, 19. Файзулло Жуманқўзиев, 20. Улуғбек Худойбердиев, 30. Элдор Эргашев, 44. Сергей Проҳоров, 71. Шоҳруҳ Мўминқулов, 78. Умар Адҳамзода

"Оқ-тепа": 1. Акром Ходжаев, 4. Жавоҳир Омонов, 5. Даврон Қорабоев, 7. Шерзод Қодиров, 8. Музаффар Абдуллаев, 10. Ислом Исмоилов, 20. Павел Пуришкин, 24. Хамидхон Рустамхонов, 28. Абдулазиз Нишонбоев, 91. Мақсудхон Махмудов, 97. Жамшид Юсупов.
Захира: 12. Малик-Абдулазиз Бурхонов, 14. Абдумалик Махкамбоев, 17. Савелий Абрамов, 19. Ойбек Мирзохидов, 21. Орипхўжа Абдухолиқов

Бекзод Толибов тайёрлади.



Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг