6 ёшли бола ўз кумири билан учрашиш учун Чилига борди
10 июн 2019 17:01
Янгиликлар

6 ёшли бола ўз кумири билан учрашиш учун Чилига борди

Эронлик ёш болакай Адриан Могимбеиглу футболнинг ашаддий мухлиси.

У айниқса Артуро Видалнинг ўйинларини мириқиб томоша қилади. Яқинда 6 ёшли болакай Видал билан учрашиш мақсадида атайин Чилига борди ва бир йўлини қилиб Видал билан учрашди.

Адриан Артуро Видал билан Сантьягода учрашди. "Барса" футболчиси болакайга ўз сурати туширилган футболкани совға қилди ҳамда уни Чили - Гаити ўртоқлик учрашувига таклиф этди. Мазкур баҳсда чилиликлар 2:1 ҳисобида зафар қучишди. Видал болакай билан тушган суратини ўз Инстаграм саҳифасига жойлади.