6 июнь куни Ўзбекистон - КХДР учрашуви олдидан матбуот анжумани ўтказилади
04 июн 2019 15:12
Янгиликлар

6 июнь куни Ўзбекистон - КХДР учрашуви олдидан матбуот анжумани ўтказилади

Хабарингиз бор, шу йилнинг 7 июнь куни Ўзбекистон миллий терма жамоаси Корея Халқ Демократик Республикаси терма жамоасига қарши ўртоқлик ўйинида майдонга тушади.

Мазкур ўйин олдидан 6 июнь пайшанба куни "Миллий" стадионда икки терма жамоа бош мураббийлари иштирокида матбуот анжумани бўлиб ўтади.

Дастлаб, соат 17:30да меҳмонлар бош мураббийи журналистлар саволларига жавоб беради. Кейин соат 18:00да КХДР терма жамоасининг ўйинолди машғулоти ўтказилади. Соат 18:30да эса Ўзбекистон миллий терма жамоаси бош мураббийи Эктор Купер иштирокидаги матбуот анжумани бошланади. Соат 19:00да эса Ўзбекистон миллий терма жамоасининг машғулоти бўлиб ўтади.

Барча турдаги оммавий ахборот воситалари ходимларини матбуот анжуманига таклиф этамиз. Матбуот анжумани давомида ОАВ ходимларига КХДР ва Сурия терма жамоаларига қарши ўртоқлик ўйинлари учун аккредитациялар тарқатилади.

Ҳавола :

Манба : ufa.uz

Янгиликларни Телеграмда ўқинг!

Рейтинг: +4