55 ёшдан катта мухлисларга “Локомотив” иштирокидаги учрашувларга кириш бепул бўлади
01 фев 2017 22:05
Янгиликлар

55 ёшдан катта мухлисларга “Локомотив” иштирокидаги учрашувларга кириш бепул бўлади

Теглар : Локомотив

2017 йилда нафақат ички мусобақаларда, балки халқаро майдонда ҳам муваффақият қозонишга бел боғлаган “Локомотив” жамоаси янги йилда ўз мухлис-у мухлисаларига ҳам бир қатор қулайлик ва имкониятлар яратишни кўзда тутмоқда.

Жумладан, “Локомотив” ишқибозлари учун мавсумий учрашувларнинг йиллик абонементи яқин орадан бошлаб сотувга чиқади. Қолаверса, жамоамиз иштирокидаги ўйинларни бевосита стадиондан кўришни истаган 55 ёшдан катта мухлис-у мухлисаларга “Локомотив” стадионига кириш бепул бўлишини маълум қилмоқчимиз. Бунинг учун 55 ёш ёки ундан катта бўлган ишқибозлардан шахсини тасдиқловчи ҳужжатни олиб келиш ва стадион кассасида кўрсатиш талаб этилади. Шунда сизга ўйинга кириш учун бепул чипта тақдим этилади.

“Локомотив” жамоасидан мавсумолди янгиликлари ҳали давом этади!