“Жамоамиз сафида ўтган мавсумдан буён фаолият олиб борган ва чемпионлик йўлида муносиб ҳисса қўшган легионер ҳужумчи Силванус Нимелй, шунингдек мавсум бошида таркибимизга келиб қўшилган вингер Фарҳод Соҳибжонов мавсумнинг қолган қисмини ижара асосида “Қўқон-1912” жамоасида ўтказадиган бўлди.
Мазкур ижара келишуви уч томон — футболчилар, жамоамиз ҳамда “Қўқон-1912” клуби учун ҳам манфаатли ҳисобланади. Бу қарор ўйин амалиётини ошириш, тажриба тўплаш ва келгусида янада кучлироқ бўлиб қайтиш учун муҳим қадамдир.
Футболчиларимизга янги жамоасида омад, муваффақият ва ёрқин ўйинлар тилаб қоламиз!”, — дейилади клуб хабарида.
