19 ёшли ярим ҳимоячи "Насаф"га қарши ўйин олдидан машғулотда жароҳат олганди. Тиббий текширувлардан сўнг футболчининг чап тизза олдинги хочсимон бойламининг йиртилиши аниқланган.
Клуб шифокорлар бўлимининг маълум қилишича, Ойбек Ўрмонжонов тиззасидан жарроҳлик амалиётини ўтказади. Операция яқин кунларда Туркиянинг Истанбул шаҳрида ўтказилади. Тикланиш жараёни бир неча ойни ташкил қилади.
Маълумот ўрнида, Ўрмонжонов "Йил жавоҳири" номинантига айланган, аммо бу мукофот унинг жамоадоши Фирдавс Абдураҳмоновга насиб этган эди.
