"Ўзбекистонга қарши бўлажак ўйинга тайёргарлик бошланган. Жамоамиз ушбу босқичда қийинчиликларга дуч келди. Ўз майдонимизда кучли ўйин кўрсатдик. Бироқ Қатар стадионларидан ташқарида бироз қийинчиликларга дуч келдик ва биздан кутилган натижаларнинг кўпига эриша олмадик. Саралаш босқичида ўз майдонингизда ғалаба қозониш ва сафарда ижобий натижалар кўрсатиш кераклигини яхши биласиз. Мухлисларга шуни ваъда қиламизки, кейинги ўйинларга шай ҳолатда бўламиз. Ўзбекистонга қарши беллашувдан бошлаб биздан талаб қилинган барча ишларни бажарамиз ва жаҳон чемпионати саралаши кейинги босқичига тайёргарликни шу ўйиндан бошлаймиз", деди 28 ёшли футболчи.
Эслатиб ўтамиз, жаҳон чемпионати 3-саралаш босқичи 10-туридан ўрин олган Ўзбекистон – Қатар учрашуви 10 июнь куни Тошкентдаги "Бунёдкор" стадионида ўтказилади. Ўзбекистон мундиал йўлланмасини муддатидан илгари ҳал қилган бўлса, Қатар плей-офф босқичида кураш олиб боради.
