Мерих Демирал имо-ишораси учун УEФА томонидан дисквалификация қилинди

Немис матбуоти ва ҳукумати УEФА ҳамда Туркия футбол федерациясига катта босим ўтказмоқда, ҳатто Германияда бу ишорани тақиқловчи қонун жорий қилишмоқчи. Германия Ташқи ишлар вазирлиги ҳам ушбу воқеа туфайли Туркия элчисини чақиртирди.

Шу тариқа футболчи Нидерландияга қарши чорак финал учрашувини, шунингдек, эҳтимолий ярим финални ўтказиб юборади.

Мерих Демирал Германияда ўтаётган Евро-2024 мусобақаси 1/8 финали доирасидаги Австрияга қарши ўйинда урган голини нишонлаш чоғида "Кулранг бўрилар" ташкилотининг миллатчилик руҳидаги ишорасини кўрсатди.

"Кулранг бўрилар" ташкилоти миллатчилик ғояси ва турли экстремистик ҳаракатларга алоқадорлиги билан машҳур. Демирал намойиш этган имо-ишора кўпинча ушбу ташкилот билан боғланиб, курдлар, арманлар, оссурияликлар, юнонлар ва бошқаларга қарши терроризм, қотиллик ва бошқа шафқатсиз ҳаракатларни рағбатлантиришда қўлланади.