Райс "Арсенал"га ўтишга тайёр, "Бавария" ярим ҳимоячи трансферидан бош тортди

"Канонирлар" футболчи учун 100 миллион фунт стерлинг беришга тайёр экани хабар қилинганди. "Арсенал" бош мураббийи Микель Артета футболчига жамоада муҳим ролни ваъда қилмоқда. Райс клуб тарихидаги энг қиммат трансфер бўлади.

Аввалроқ футболчини нишонга олган "Бавария" бу трансферни рад этди. Райс немис клубига ўтишга тайёр эди, аммо мюнхенликлар футболчининг нархи доимий равишда ошиб бораётганидан қониқмади.

Райснинг "Вест Хэм" билан шартномаси 2024 йилнинг ёзига қадар мўлжалланган. 24 ёшли хавбек жорий мавсум "болғачилар" сафида барча турнирларда 50 та ўйинда майдонга тушиб, 5 та гол урди ва 4 та голли узатмани амалга оширди. Райс жамоа билан биргаликда Конференция Лигаси ғолибига айланди, финалда "Вест Хэм" "Фиорентина"ни мағлуб этди (2:1).

"Арсенал" жорий мавсумда АПЛда иккинчи, "Вест Хэм" эса 14-ўринни эгаллади.