Жамоанинг Тошкентдаги йиғинига босниялик икки футболчи келиб қўшилди. Булар — марказий ҳимоячи Тарик Исич ва ҳужумчи Женан Зажмович.
Тарик Исич 1994 йилда туғилган. Фаолияти давомида ўз мамлакатининг "Турбина", "Радник", "Каплина", "Олимпик", "Челик Зенича", Малайзиянинг "Перак", Албаниянинг "Кукеси" жамоаларида тўп тепган.
Женан Зажмович 1994 йил Бельгияда туғилган. Шу вақтгача Хорватиянинг "Локомотив", "Сесвете", Босниянинг "Травник", "Железничар", "Велез Мостар" жамоалари либосида ҳаракат қилган. Сўнгги жамоаси Сербиянинг "Радник" клуби ҳисобланади.
