Шоҳруз Норхонов: "Сўғдиёна" эртанги ўйинга 100% тайёр"

Норхонов жамоасининг эртанги ўйинга тайёргарлиги ҳамда "Сўғдиёна"нинг мақсадлари ҳақида гапирди.

"Эртанги ўйинга буткул тайёрмиз. Худо хоҳласа, яхши натижа қайд этган ҳолда Ўзбекистонга ёруғ юз билан қайтамиз. Учрашувнинг 15:30 га белгилангани иккала жамоага ҳам қийинчилик туғдиради. Шунга қарамай, бор кучимизни намойиш этган ҳолда ғалаба билан қайтишга ҳаракат қиламиз. "Сўғдиёна" учта турнирда кураш олиб бормоқда. Бу бироз қийинчилик туғдиради. Сабаби чемпионат баҳслари қисқа вақт оралиғида бўлиб ўтмоқда. Шунга қарамай, захирада ҳам асосий таркибдагиларнинг ўрнини босадиган футболчилар етарлича. Мураббийлар ушбу ўйинчилардан ҳам кези келганда фойдаланишмоқда. Шу боис, ОФК кубоги, Суперлига ва Ўзбекистон кубогида кўнгилдаги натижага эришиш учун ҳаракат қиламиз", — деди ўзбекистонлик ҳужумчи.

Эслатиб ўтамиз, Шоҳрўз Норхонов ОФК кубогининг гуруҳ босқичида 2 та гол уришга эришганди.