UZ

Сўнгги янгиликлар

08:40Бухорога Суперлига ўйинларини қайтариш ҳаракати бошланди  0 08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  48 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

"Ака, худо бор". АГМК финални "Пахтакор"га "совға қилиши" керакмиди? Янгиликлар

"Ака, худо бор". АГМК финални "Пахтакор"га "совға қилиши" керакмиди?

Теглар :  "Пахтакор"АГМК
Олмалиқ шаҳрининг бош жамоаси 2018 йилги мавсумга Виктор Кумиков бошчилигида тайёрланди.

Аммо янгича форматда ўтадиган Ўзбекистон чемпионатининг старти АГМК учун омадсиз бўлди. Жамоа Суперлиганинг 12 туридан кейин атиги 13 очко жамғаргани туфайли ёзда россиялик мутахассиснинг ўрнига Бахтиёр Ашурматов келтирилди. 

Мавсумни 8-поғонада якунлаган жамоа Ўзбекистон кубоги финалида Арвеладзенинг "Пахтакор"и билан қаршилашар экан, олмалиқликлар "андердог" сифатида кўрилгани рост гап... Умуман олганда, Фарғонадаги ўйин ва унинг атрофидаги воқеалар ҳақида битта фильм олса бўлади. Қуйида ўқийдиганларингиз шу ҳақда.

Ўша куни "Истиқлол" стадионига чиқиб келган АГМК футболчилари ўйин охирида мағлуб бўлишлари керак эди. Аниқроғи, уларга шундай кўрсатма берилган. Бу "миссия" амалга ошиши мумкин эди. Қачонки, таркибда Жасур Ҳасанов, Лутфулло Тўраев ва Камолиддин Мурзоев сингари ўзини ҳурмат қиладиган, тажрибали, энг муҳими, номусли футболчилар бўлмаса...

Улар махсус топшириққа қарши чиқиб, таркибдаги ҳаммани ғалаба учун руҳлантиришди. "Настрой" шунақа қилиндики, майдонга чиқиб келаётган барча ўйинга ҳаёт-мамот масаласи сифатида қарай бошлади. 

Бу иш берди. "Пахтакор"нинг нисбатан кучли таркибига чемпионатнинг ҳар 2 ўйинини ютқазган АГМК финалда ҳисобни очди. 

54-дақиқада Гонсалвеш пенальти орқали мувозанатни тиклагач, барча "Пахтакор" ўйинга қайтишини кутганди. Бироқ 3 дақиқадан кейин Жокич дублни расмийлаштириб, яна АГМКни олдинга олиб ўтди.

Ўйин охирига яқин Темур Тўхтасинов бошчилигидаги ҳакамлар бригадаси катта саҳнага чиқди. Рефери, дастлаб, Черан Тўраевнинг бошига тепган вазиятни "кўрмади". Кейинроқ Машарипов тўпни жарима майдони ичида қўли билан ўйнаган вазиятда пенальти белгиланмади...

Қуйидаги видеолавҳани томоша қилинг. Жасур Ҳасанов иложсизликдан бошини чангаллаяпти. Касминин ва Қиличев жамоа бугун ҳакамларга қарши ўйнаётганини тушунди. Тўраев эса алам билан битта гапни такрорларди: "Ака, Худо бор"...


Дарҳақиқат, Худо бор! Шу туфайли АГМК 3-голни уриб, кубок ютди. Темур Тўхтасинов эса 2 йилдан кейин футболдан четлатилди (маълум муддатга).

Маълумот учун, ўша даврда "Пахтакор"нинг бош ҳомийси ҳисобланган "SFI Management Group" айни пайтда "Металлург"ни молиялаштирадиган "Узметкомбинат" ва Олмалиқ шаҳрининг бош жамоасига пул берадиган ОКМКни бошқарар эди...

АГМК раҳбарияти финалдан кейин Бахтиёр Ашурматовни истеъфога чиқарди. Унинг ортидан Тўраев, Мурозоев ва Ҳасанов ҳам Олмалиқдан айрилди. Шу кундан бери "кончилар" "Пахтакор"ни юта олишмаяпти.

Бу ҳали ҳаммаси эмас! Эртага ҳам Суперлига доирасида "Насаф" ва АГМК иштирокида ўтган 2 шубҳали ўйин ва бу воқеалардаги асосий қаҳрамон ҳақида гаплашамиз. Тез кунда бу мавзуда интервью ҳам чиқади. Хуллас, ҳикоянинг давоми бор...

мутолаа учун: Энг қиммат ўзбек дарвозабони ҳақида 

Муаллиф :
Рейтинг: +21   

Фикрлар

championat.asia
< сўнгги янгиликларни кўриш
Яндекс.Метрика