3 ўйинда 2 очко тўплаган Симеоне: "Учинчи ўрин етарли эмас. Чемпион бўлиш вақти келди"

"Энди чемпион бўлишимиз керак. Агар “Атлетико” клуб ва жамоа сифатида ўсишда ва такомиллашишда давом этмоқчи бўлса, у яна чемпион қозониши шарт.

Биз 1996, 2014 ва 2021 йилларда бош совринни қўлга киритган эдик, энди [яна] вақти келди. Мен бўшашиб, учинчи ўринга қониқмаслигим керак, чунки бу менга етарли эмас.

Учинчи ўриндан мамнунманми? Йўқ, бу мени хурсанд қилмайди, лекин клуб учун учинчи ўрин жуда муҳим, мен эса клуб одамиман", – деди "Атлетико" бош мураббийи COPE’га берган интервьюсида.

Сўнгги олти мавсумдан тўрттасида мадридликлар Ла Лигада учинчи ўринни эгаллаб, "Барселона" ва "Реал"га ютқазди.

Ҳозирги вақтда Симеоне жамоаси чемпионатда 3та ўйинда 2 очко тўплаб, 17-ўринда бормоқда.