2020 йилнинг энг яхшилари тақдирланди. Бердиев энг яхши мураббий, Машарипов энг яхши футболчи
26 дек 2020 16:53
Янгиликлар

2020 йилнинг энг яхшилари тақдирланди. Бердиев энг яхши мураббий, Машарипов энг яхши футболчи

Бугун Тошкентдаги "Зарафшон" киноконцерт залида 2020-йилнинг энг яхшиларини тақдирлаш маросими бўлиб ўтди.

Бундан ташқари, Ўзбекистон футбол ассоциациясининг навбатдаги ҳисобот конгреси ҳам ўтказилади.

ЯНГИЛАШ

Тадбир ўз якунига етди. Саломат бўлинглар.

16:50. ЎФА президенти Абдусалом Азизов сўзга чиқди.

16:46. Суперлига йил рамзий терма жамоаси:

Дарвозабон: Абдувоҳид Неъматов ("Насаф")

Ҳимоячилар: Мурод Холмуҳаммедов "Қўқон-1912"), Егор Кримец ("Пахтакор"), Фарруҳ Сайфиев ("Пахтакор")

Ярим ҳимоячилар: Марко Станоевич ("Насаф"), Нурилло Тўхтасинов ("Бунёдкор"), Мурод Тошматов (АГМК), Азиз Турғунбоев ("Навбаҳор"), Жалолиддин Машарипов ("Пахтакор"), Драган Черан ("Пахтакор").

Ҳужумчи: Бобир Абдихолиқов ("Насаф").

16:43. Ўзбекистон МТЖ ва "Пахтакор" клуби ярим ҳимоячиси Жалолиддин Машарипов "Ўзбекистоннинг энг яхши футболчиси" деб топилди. ЎФА президенти Абдусалом Азизов топширган совринни футболчининг отаси Қадамбой Машарипов қабул қилиб олди.

16:40. Вадим Абрамов, Миржалол Қосимов ва Рўзиқул Бердиев якуний учлигини ҳосил қилган журналистлар ўртасидаги ўтказилган сўровнома натижасига кўра Қаршининг “Насаф” клуби бош мураббийи Рўзиқул Бердиев 4-бор “Ўзбекистоннинг энг яхши мураббийи” совринини қўлга киритди. Совринни ЎФА биринчи вице-президенти Равшан Эрматов топширди.

16:37. "Пахтакор" клуби ва Ўзбекистон МТЖ ярим ҳимоячиси Жалолиддин Машарипов "Суперлиганинг энг яхши футболчиси" деб топилди. Совринни унинг отаси Қадамбой Машарипов қабул қилиб олди.

16:35. Ўтказилган сўровномага кўра “Бунёдкор-W” клуби аъзоси Людмила Карачик “Энг яхши аёл футболчи” соврини билан тақдирланди. Унга совринни Ўзбекистон МТЖ бош мураббийи Вадим Абрамов топширди.

16:32. "Суперлиганинг энг яхши мураббийи" деб "Пахтакор" устози Шота Арвеладзе топилди. МОҚ раиси Рустам Шоабдураҳмонов топширган совринни "Пахтакор" клуби бош директори Дмитрий Адисман қабул қилиб олди.

16:28. "Суперлиганинг энг яхши тўпурари" — Драган Черан (“Пахтакор”). Драган айни пайтда Ўзбекистонда бўлмагани сабаб унга махсус статуэтка кейинроқ топширилади.

16:25. Ўзбекистон Биринчи лигасидаги “Пахтакор 2” – “Рубин” учрашувида қийин вазиятда қолган меҳмонлар жамоаси футболчиси Ҳусан Ҳасановнинг ҳаётини сақлаб қолганлиги учун “Рубин” шифокори Ҳасан Раҳимжонов “Жасорат” соврини билан тақдирланди. Совринни ҳаёти сақлаб қолинган ўйинчи Ҳусан Ҳасановнинг ўзи топширди.

16:23. Cоcа Cола Суперлигасининг "энг чиройли голи" — Санжар Турсунов (АГМК – “Қўқон-1912 учрашувида). Совринни Турсуновга Жаҳонгир Усмонов топширди.

16:20. "Fair play sovrini" — “Oq-Tepa” (Toshkent). Совринни Рашид Толипов топширди.

16:19. "Нефтчи" клуби Про-лига сўнгги туридаги ўйиндаги жанжалли вазият сабаб азият чеккан ҳакам Шавкат Насибуллаевга тўп совға қилди ва шу орқали узр сўралди.

16:16. "Йилнинг энг яхши ҳудудий ассоциацияси" соврини "Фарғона ФА"га насиб қилди. Совринни ЎФА бош котиби Аваз Максумов топширди.

16:15. "Спорт" телеканали шарҳловчиси Зуҳриддин Қиличев "Йилнинг энг яхши журналисти" деб топилди. Унга совринни ЎФА вице-президенти Шоакрам Исроилов топширди.

16:13. Ўзбекистон МТЖ ва "Пахтакор" клуби аъзоси Акбар Усмонов "Йилнинг энг яхши футзалчиси" деб топилди. Унга совринни Женизбек Пиязов топширди.

16:06. "Йилнинг энг яхши ҳаками" деб Аҳрол Рисқуллаев топилди. Унга совринни "Спорт ТВ" директори Зоҳид Каримов топширди.

16:05. Ёш истеъдодларни кашф этишда давом этаётган Қашқадарё вилоятининг “Насаф” клуби жорий мавсум Суперлиганинг кумуш медаллари соҳибига айланди ва "Мухлислар меҳри" совринига сазовор бўлди. Совринни МОҚ бош котиби Ойбек Қосимов топширди.

16:04. Иккинчи маротаба таъсис этилаётган мазкур совринни “Пахтакор” жамоасининг Ўзбекистон чемпионати ва кубоги ғолиблиги ҳамда ОЧЛ баҳсларидаги муносиб иштирокида ўз ҳиссасини қўшган “Пахтакор” мухлислар клубига "Фидоийлик рамзи" топширилди.

16:02. "Про лиганинг энг яхши футболчиси" — Абдулазизхон Абдурашидов (“Турон”). Совринни Дзюдо федерацияси раиси Азиз Камилов топширди.

16:01. 2020 йилнинг кашфиёт клуби, кетма-кет 3 мавсумда ўзи иштирок этган чемпионатларда ғолибликни қўлга киритган, 2021 йилги Ўзбекистон Суперлигаси йўлланмасига эга чиққан Яйпаннинг “Турон” жамоаси "Махсус соврин" билан тақдирланди.

15:59. "Самарали ҳамкорлик учун" "Спорт ТВ" ҳам тақдирланди. Дилмурод Набиев топширган совринни телеканал бош дирекутори Зоҳид Каримов қабул қилиб олди. Бундан ташқари, "УзРепорт" бош директори Равшан Жўраев ҳам самарали ҳамкорлик учун совринини қабул қилиб олди.

15:57. "Самарали ҳамкорлик учун" Cоcа Cола компанияси тақдирланди. Махсус совринни Бахтиёр Назаров қабул қилиб олди. Уни Жисмоний тарбия ва спорт вазири Дилмурод Набиев топширди.

15:55. Ўзбекистон МТЖ ва "Насаф" клуби дарвозабони Абдувоҳид Неъматов "Йилнинг энг яхши ёш футболчиси" деб топилди. Унга совринни энг яхши ёшлар мураббийи бўлган Зайниддин Тожиев топширди.

15:53. Ўзбек футболининг яқин ўтмишдаги ажойиб ҳужумчиси Зайниддин Тожиев "Йилнинг энг яхши ёшлар мураббийи" деб топилди. Унга совринни МТРК раиси Алишер Ходжаев топширди.

15:51. Тўлаган Исоқов "Ўзбек футболи нуронийси" номинациясини Евгений Валицкийга топширди.

15:49. Тақдирлаш маросими бошланди. Уни Даврон Файзиев ва Марина Якубова олиб боришмоқда.

15:46. Катта экранда махсус ролик кетмоқда, унда ЎФА матбуот хизмати бошлиғи Даврон Файзиев ортда қолган йилда амалга оширилган ишларни санаб чиқмоқда.

15:44. Бахтиёр Ҳакимов ва Наримон Жалолов (вафот этган) ЎФА ижроия қўмитасидан чиқарилди.

Йил рамзий терма жамоасидан ўрин олган ва энг яхши футболчи бўлиш учун 3 номзоддан бири бўлган Жалолиддин Машариповнинг отаси тадбирда иштирок этмоқда. Футболчининг ўзи эса айни пайтда Ўзбекистонда эмас. Агар Машарипов тақдирланса, унинг совринини катта эҳтимол билан отаси қабул қилиб оладилар.

ЎФА Бош котиби Аваз Максумов 2020 йилда Ўзбекистон футбол ассоциацияси томонидан амалга оширилган ишлар ҳисоботини ўқиб эшиттирмоқда.

15:24. Аваз Максумов ҳисобот конгресси ҳақида гапирмоқда.

Конгресс кун тартибидан ўрин олган масалалар рўйхати:

1. 2019-йил 24-декабрда бўлиб ўтган Конгресс баённомасини тасдиқлаш

2. 2020-йил давомида амалга оширилган ишлар тўғрисидаги ЎФА ҳисоботи

3. Молиявий ҳисоботни тасдиқлаш (мустақил аудитор ҳисоботи)

4. ЎФАнинг 2020, 2021 ва 2022-йиллар молиявий кўрсаткичларини текширувчи мустақил халқаро аудиторлик ташкилотини тасдиқлаш

5. ЎФА уставига қўшимчаларни киритиш ва уставни янги таҳрирда тасдиқлаш

6. ЎФА Ижроия қўмитаси аъзолари таркибига ўзгартириш киритиш ва таклиф этилаётган номзодларни сайлаш

15:17. Тадбир бошланди. Дастлаб ЎФА бош котиби Аваз Максумов Ўзбекистон футбол ассосиасиясининг навбатдаги ҳисобот конгрессини очиб бермоқда. Максумовнинг айтишича, конгресда иштирок этиши керак бўлган 72 нафар делегатдан 68 нафари шу ерда, 4 нафари эса узрли сабабларга кўра тадбирда иштирок эта олишмаяпти.

Ўзбекистон терма жамоаси ва Италиянинг "Женоа" клуби ҳужумчиси Элдор Шомуродов ҳам бугунги тадбирда иштирок этади. У айни пайтда "Зарафшон" залида.

15:12. Залдаги катта экранда махсус ролик қўйилмоқда. Унда ўтиб бораётган йилдаги футбол воқеликлари тасвирланган.

- "Насаф" дарвозабони Абдувоҳид Неъматов ҳам ўз фикрларини билдириб ўтди. Ёш кипернинг кайфияти аъло даражадалиги кўриниб турибди.

- Фарруҳ Сайфиев "Спорт" телеканали журналистларига интервью бермоқда. "Пахтакор" ҳимоячисининг фикрича, энг яхши футболчи учлиги қуйидагича: 1.Ж.Машарипов, 2.Э.Шомуродов, 3.О.Бозоров.

- Айни пайтда футбол жамоатчилиги "Зарафшон" залига бирин-кетин етиб келишмоқда.

Унда қуйидаги номинацияларда энг яхшилар тақдирланади:

- Ўзбек футболи нуронийси

- Энг яхши ёшлар мураббийи

- Coca Cola Суперлигасининг энг яхши ёш футболчиси

- Самарали ҳамкорлик

- Махсус соврин

- Про лиганинг энг яхши футболчиси

- Фидоийлик рамзи

- Мухлислар меҳри

- Йилнинг энг яхши ҳаками

- Ўзбекистон чемпионатининг энг яхши футзалчиси