Тимур Кападзе: "Жасур Жалолиддиновнинг айни пайтдаги ҳолатидан ҳавотирдаман"

Мураббий эфир давомида ёшлар терма жамоасининг йиғинлари ҳақида фикр билдириш билан бирга Жасур Жалолиддинов мавзусига ҳам тўхталиб ўтди.

"Албатта ҳозирда унинг ҳолатидан ҳавотирдаман. Жасур Жалолиддинов "Бунёдкор"да асосий таркибда ўйнаётган эди. Гаплашиб турибмиз. Миллий жамоага ҳам чақирилаётганди. "Локомотив" Москва жамоасига йўл олганидан бир томондан хурсанд ҳам бўлдик. Лекин қандай келишув бўлган, нима қилинган аниқ билмайман. Жамоада ўйин амалиёти берилмагани, ижарага бошқа клубга ўтгани билан деярли тўрт ойдан бери ўйнагани йўқ. Бу албатта ташвишланарли. Кейинчалик нима юз беришини ҳам билмаймиз. Ушбу ҳолат боланинг ўсишига таъсир қилади. Айниқса мазкур ёшда захирада ўтириши ҳавотирли. Тўғри машғулотлар орқали спорт формасини ушлаб туриши мумкин. Бироқ расмий ўйин умуман бошқа нарса. Ўйиндаги жараён ва вазият машғулотда бўлмаслиги мумкин. Шу томондан ҳавотир бор",- дейди Тимур Кападзе "Спорт вақти" кўрсатувида.