Зидан истеъфога чиқарилиши мумкин. Унинг ўрнига номзодлар ҳам тайёр (As)

As хабарига кўра, раҳбариятнинг бундай қарорига клуб мавсумни бўш бошлагани, "Кадис" (0:1) ва "Шахтёра"дан (2:3) қабул қилиб олинган мағлубиятлар сабаб бўлган.

Айни пайтда Зинедин Зиданнинг ўрнига 2 та номзод кўриб чиқиляпти – "Тоттенхэм"нинг собиқ устози Маурисио Почеттино ҳамда "қироллик клуби" афсонаси Рауль (Мадрид клубининг ёшлар жамоаси бош мураббийи).

"Реал" президенти Флорентино Перес жамоани бошқариш учун идеал вариант сифатида Раулни кўрсатяпти. Бироқ, қолган мутасаддилар 43 ёшли мутахассис бу лавозим учун тайёр эканига шубҳа қилмоқда.

Почеттино эса анчадан буён жамоасиз ва ишга қайтишни жуда хоҳлаяпти. Аргентиналик мураббий вариантининг "Реал"га ёқмайдиган томони шундаки, у узоқ муддатлик шартнома тузишни истайди, шунингдек, "қироллик клуби" тизимига мос тушмаслиги мумкин.

Эслатиб ўтамиз, "Реал" кейинги ўйинини 24 октябрда "Барселона"га қарши ўтказилади. Учрашув Тошкент вақти билан 19:00 да старт олади.