Бу ҳақда терма жамоа бош мураббийи Вадим Абрамов ҳам хабар қилганди.
Мазкур йиғин февралда кўплаб клубларимиз янги мавсумга БААда тайёгарлик кўраётган пайтда ўтказилиши кўзда тутилган. Бўлажак йиғин доирасида терма жамоамиз Евро-2020га плей-офф босқичи орқали чиқишга тайёргарлик кўраётган Беларусь билан ўртоқлик ўйини ўтказади. Бу ҳақда Беларусь матбуот хизмати хабар қилмоқда.
Ўйин 23 февраль куни Дубай шаҳрида бўлиб ўтади.
Маълумот ўрнида: Беларусь терма жамоасини айни пайтда Михаил Мархель бошқармоқда. Жамоа Евро-2020 саралаш босқичида Германия ўрин олган гуруҳда 4-ўринни эгаллаб, плей-офф босқичи орқали Европа чемпионатига чиқишга уриниб кўриш имконини қўлга киритди. Беларусь терма жамоасининг Евро-2020 плей-офф босқичидаги рақиби Грузия. Мазкур жамоалар ўртасидаги ўтиш ўйини 26 март куни бўлиб ўтади.
