24 ёшида фаолиятини тугатган "Брайтон" собиқ аъзоси юрак хуружи билан касалхонага ётқизилди

У юрак хуружида гумон қилинмоқда, дея маълум қилди "Zambian Observer".

24 ёшли Энок Мвепу тўсатдан йиқилиб қолгач, касалхонага олиб кетилди.

Мвепу якшанба куни эрталаб машина ҳайдаб кетаётганда ўзини ёмон ҳис қилган. У машинани тўхтатишга муваффақ бўлган, шундан сўнг тушиб, ерга қулаган.

Мвепу "Брайтон"нинг энг истиқболли ўйинчиларидан бири ҳисобланарди, аммо 2022 йилнинг октябрида у ирсий юрак касаллиги туфайли футболчилик фаолиятини якунлашга мажбур бўлди.