Унинг "Чанчунг Ятай" (Хитой) жамоасини тарк этгани ҳақида 6 июль куни хабар берган эдик. 2011 йилдан буён Хитойда ўйнаб келган ҳамюртимиз фаолиятини Тошкентнинг "Локомотив" клубида давом эттиради. Бироз олдин "темирйўлчилар" матбуот хизмати клубнинг ижтимоий тармоқлардаги саҳифаларида "Хуш келибсан, Анзур!" деб ёзди ва ўйинчининг суратини жойлади. Лекин, "Локомотив" расмий сайтида ҳозирча Анзур Исмоилов билан шартнома имзолангани ҳақида расмий хабар чоп этилмади.
