ФОТОФАКТ! Хави нима учун Қаршига келмагани маълум бўлди

Қатар клуби Қаршига кеча чартер рейс билан учиб келди. Делегация орасида жамоа сардори афсонавий футболчи Хави йўқ эди. Сайтимиз орқали олдинроқ Хави жароҳат сабаб "Насаф" билан ўйинга кела олмаслигини маълум қилган эдик. Ҳозир эса испаниялик маэстро айнан қандай жароҳат сабаб юртимизга келмаганини фотофакт орқали келтирамиз.

Пайшанба куни Қатар чемпионати доирасида "Ал Дуҳайл" билан учрашувда Хави оёғининг орқа мушагидан жароҳат олган. Бу ҳақда клуб матбуот хизмати маълум қилди.

Учрашувнинг биринчи бўлимида Хави оёғининг мушакларида оғриқ сезган ва унинг ўрнига Акром Афиф майдонга туширилган. Кейинчалик футболчи клуб шифокорлари ёрдамида тиббий кўрикдан ўтказилди ва унинг мушакларида жиддий жароҳат борлиги аниқланди. Унинг тўлиқ сафга қайтиши учун 3 ҳафта вақт керак бўлади.

"Ал Садд" матбуот хизмати Хавининг оёғига қон айланишни яхшиловчи ва оёқ мушакларини массаж қилувчи махсус мослама қўйилаётган суратларни чоп этди.