Шу йилнинг 10 декабрь санасида Куала Лумпур шаҳридаги ОФК штаб-квартирасида навбатдаги Осиё чемпионлар лигаси ва ОФК Кубогига қуръа ташлаш маросими бўлиб ўтади. Маълумот учун, келаси йил ҳам ОФК Ўзбекистонга 1+2 йўлланма ажратган.
Бу дегани чемпион "Пахтакор" тўғридан-тўғри гуруҳ босқичида ўйнайди. "Пахтакор" бу йил Кубокни ҳам қўлга киритгани боис Суперлигада иккинчи ва учинчи ўринни эгаллайдиган жамоалар ўз иштирокларини плей-оффдан бошлашади.
Ҳозирги пайтда Суперлига турнир жадвалида "Локомотив" 42 очко билан иккинчи, "Сўғдиёна" 38 очко тўплаб учинчи ўринда боряпти. Шунингдек, учинчи ўринга "Бунёдкор" ҳам даъвогарлик қилмоқда.
