08 дек 2018 17:03

Россия. Жанжалларга бой ўтган учрашувда Денисов жамоаси Шомуродов клубини мағлуб этди

Бугун Россия Премьер-лигасида 17-тур беллашувларига старт берилди.

Турни ҳамюртларимиз иштирокидаги баҳс очиб берди.

"Крилья Советов" - "Ростов" баҳси футболдан кўра кўпроқ курашни ёдга солиб юборди. Айниқса, иккинчи бўлимда ҳар иккала жамоа вакиллари деярли ҳар бир эпизоддан кейин жанжал келтириб чиқаришди. Иккинчи бўлимдаги ўйин футболдан кўра курашга кўпроқ ўхшарди.

Учрашувда Виталий Денисов 47-дақиқада ўз дарвозабони Рижиковдан кутилмаган зарба қабул қилиб олди ва бироз ҳушини йўқотди. Бир неча дақиқадан сўнг майдонга қайтган Денисов 68-дақиқада Зотовга алмаштирилди. Ҳамюртимизга саломатлик тилаб қоламиз. Яна бир ватандошимиз Элдор Шомуродов эса баҳсда тўлиқ 90 дақиқа ҳаракат қилди.

Умуман олганда жанжалларга бой ўтган ўйинда жами 7та сариқ ва 3та қизил карточка кўрсатилди. Бундан ташқари, ростовликлар бош мураббийи Валерий Карпин тўртинчи ҳакамни туртгани учун четлатилди.

Учрашув тақдирини эса 11-дақиқада Паул Антон томонидан пенальтидан киритилган гол ҳал қилди - 1:0. Шу тариқа, Россия кубогини ҳам қўшиб ҳисоблаган "Ростов"нинг ғалабасиз серияси бешта ўйинга етди.

Премьер-лига . 17-тур

08/12/2018, 14:30

Крылья Советов

1 : 0

Ростов

Тугади

Паул-Виорел Антон - 11'

Стадион: Cosmos Arena

Матч-центрда очиш

Россия
Премьер-лига 17-тур
"Крилья Советов" - "Ростов" 1:0
"Космос Арена"
Гол: П.Антон 11 (пен.)

"Крилья Советов": 1.Рижиков, 4.Башкиров (90.Бурлак, 46), 5.Самаржич, 8.Корниленко, 18.Рохель, 20.Мияйлович, 28.Антон (11.Шейдаев, 80), 31.Ткачук, 39.Виталий Денисов (15.Зотов, 68), 44.Чичерин, 91.Яковлев.

"Ростов": 30.Песьяков, 5.Хажикадунич (Кьяртанссон, 65), 6.Сигурдссон, 7.Юсупов (Паршивлюк, 70), 9.Сигурдарсон, 10.Зуев, 14.Элдор Шомуродов, 15.Ингасон, 25.Логашов, 77.Скопинцев, 84.Гацкан.

Огоҳлантиришлар: Башкиров (2), Корниленко (26), Шейдаев (82), Самаржич (86) - Хажикадунич (10), Гацкан (74), Ингасон (90).
Четлатишлар: Корниленко (44) - Сигурдссон (82), Гацкан (85).