Чипта нархи Женнифер Лопес концертидан каррасига арзонроқ, шиддати эса юқорироқ бўлиши кутилаётган ўйинга превью
Янгиликларни Телеграмда ўқинг!Турнир жадвалининг қудратпешвоси бўлиб турган "Насаф" ушбу турда улкан мухлислар армиясига эга "Андижон"ни қабул қилади. "Насаф"нинг қайноқ ёзги танаффус чоғидаги "қайноқ" трансферлари иккинчи давранинг илк турида "музлатгич" вазифасини ўтаб берди. Эҳтимол, бўлажак учрашувда улардан жиллақурса бир нафарини баҳолаш имконияти пайдо бўлар. Водий клубининг янги қизил либослилари эса аллақачон жамоага мослашишни бошлади. Жумладан, Қирғиз Республикаси дарвозабони Эржан Токотаев ўтган турнинг рамзий жамоасига киритилди. Бироқ бу турда у дарвоза четидаги сочиғи билан юзидаги терларини аввалгидан кўпроқ артишига тўғри келади.
Икки жамоа ҳам иккинчи даврани Базз Лайтер мультқаҳрамони қиёфасидаги кайфиятда бошлади. "Насаф" Жиззахда "Сўғдиёна"ни қийинчилик билан мағлуб этган бўлса, "Андижон" "Қўқон-1912"ни аяб ўтирмади.
Жамоалар Суперлига доирасида ўзаро 47 маротаба тўқнаш келишган бўлиб, уларнинг 28 тасида "Насаф"нинг қўлиб баланд келган, 12 ўйинда томонлар ўйиндан сўнг ўзаро қўл сиқишган бўлса, 7 беллашувда қаршиликлар қаршилик қила олишмаган. Мазкур баҳсларда "Насаф" Бенжамин Франклин сурати акс этган қоғозда қайд этилган сон билан баравар гол урган бўлса, ўз даврозасидан шунинг ярмидан сал кўпроқ (52 марта) ўз дарвозасидан тўп олиб чиққан.
Жамоалар жорий йил икки маротаба тўқнаш келишга улгурди. Дастлабкиси – Суперлига доирасида бўлиб, водийдаги беллашувда жамоалар бир-бирига биттадан тўп туҳфа қилишганди. Иккинчиси эса жиддийроқ – Ўзбекистон Суперкубоги бўлиб, унда Ҳусайн Норчаевнинг пенальтидан урган голини ўйин тақдирини ҳал қилганди. "Андижон" ушбу мағлубият аламини олиш учун ҳам Қашқадарёга ташриф буюриши турган гап.
Қолаверса, Максим Шацких ҳозирги қадар бош мураббий сифатида Рўзиқул Бердиев жамоасини мағлуб эта олмаган. Ушбу серия нақ 8 ўйинни ташкил этади.
Тахмин. Чипта нархи Женнифер Лопес концертидан каррасига арзонроқ, шиддат жиҳатдан эса юқорироқ бўлиши кутилаётган ўйинга ташриф буюрган мезбон жамоа мухлислари 56 ёшли хоним томошасини танламагани учун афсусланмайдиган кайфиятда стадионни тарк этишса керак.
Оқил Абдубарноев тайёрлади.
Ўхшаш янгиликлар
Суперлига. Бугун Фарғона ва Самарқандда дахшатли ўйинлар бор
Суперлига. "Сўғдиёна" "Машъал" устидан ишончли ҳисобда ғалаба қозонди
Отабек Нарзуллаев: "Ғалаба учун келгандик, бироз омад етишмади"
Иван Бошкович: "Об-ҳаво ҳам ўйинга таъсирини ўтказди"
Суперлига. "Сўғдиёна" Жиззахда "Машъал" билан ўйинда ғалабани ўзиники қилди
Суперлига 17-тур учрашувларидаги ҳакамлик қарорлари таҳлили
"Насаф" охирги бор Фарғонада "Нефтчи"ни қачон ютган?
Фикрлар
Интервьюлар
"Пахтакор"ни чемпионлик курашидан чиқаришга ҳали эрта" —
Азамат Абдураимов билан иккинчи давра старти таҳлили
Эксперт фикри. Расул Раҳмонов: "Андижон"да ўзига бўлган ишонч уйғонмоқда"
Илёс Зейтуллаев: "Орзу қилиш зарар қилмайди, охиригача курашамиз!"
"Бухоро"нинг тайёргарлиги, янги футболчилар, ёшлар ёхуд Улуғбек Бакаев иккинчи даврада юқорилашга умид қилмоқда
"Натижа учун баъзида мазмунли ўйиндан воз кечдик. Етакчиларимизни йўқотишни истамаймиз, Хебайдан эса кўп нарса кутгандик" — Рўзиқул Бердиев билан интервью
Бошқа интервьюлар
