Бу ҳақда Испаниянинг Sport нашри хабар бермоқда.
Манбанинг маълумотига кўра, Каталонияни 48,5 миллион евро эвазига Парижга алмаштирган 26 ёшли ҳужумчи "кўк-анорранглилар" раҳбариятидан хафа бўлиб қолган. Испаниялик футболчи ўтган трансфер ойнасида "Барселона" босслари унинг ортидан Хўлиан Альваресни сотиб олишга ҳаракат қилишганини билгач, жуда чуқур ҳафсаласи пир бўлган ва ғазабга тушган.
Каталония клубини тарк этишга сўнгги туртки берган омил эса бош мураббий Ханс-Дитер Фликнинг қарори бўлди. Мураббий "Атлетико"га қарши принципиал ўйинда Торресни захирада қолдириб, ҳужум марказида ярим ҳимоячи Дани Ольмони майдонга туширишни афзал кўрган эди.
