Зоҳир Пиримов ва Азамат Алланиёзов "Навбаҳор"да
09 янв 2018 07:49
Новости

Зоҳир Пиримов ва Азамат Алланиёзов "Навбаҳор"да

"Навбаҳор"нинг Тошкентда ўтказилаётган йиғини давом этмоқда.

Кеча жамоа сафига тўрт нафар ёшлар жамоаси аъзоларини қўшилди: Юнусбек Абдувоҳидов, Акмал Турғунбоев, Аббос Ғуломов ва Музаффар Абдуллаев. Ушбу футболчилар кеча асосий таркиб билан машғулотларда иштирок этди.

Жамоаниг Тошкентдаги вақтинчалик қароргоҳига кеча Зоҳир Пиримов ва Азамат Алланиёзов каби футболчилар етиб келишди. Ушбу футболчилар жамоа бош мураббийи Илҳом Мўминжонов билан суҳбатда бўлиб, айрим масалаларда ўзаро келишувга эришишди. Бугун ҳар икки футболчи ҳам машғулотларга қўшилади.

Ёдингизда бўлса Зоҳир Пиримов ўтган йилги мавсум аввалида ҳам жамоа машғулотларида қатнашганди. Лекин, чемпионат бошланишидан олдин "Бухоро" клубига ўтиб кетганди. Азамат Алланиёзов эса 2017 йилги мавсумни "Қизилқум"да бошлаб давралар оралиғида "Бухоро" жамоасига кўчиб ўтганди.

Тошкентдаги йиғин давомида тўртта назорат ўйини ўтказилиши ҳақида маълумот бергандик. Дастлабки учрашув 11 январь куни "Оқ-тепа" жамоасига қарши ўтказилади. Мазкур ўйин "Оқ-тепа" ўйингоҳида соат 15:00 да бошланади.

Ссылка :

Источник : "Навбаҳор" матбуот хизмати

Получайте новости прямо в Telegram!

Рейтинг: +5