Зидан Роналду сотилмаслигини маълум қилди

- Роналду жамоанинг юраги ҳисобланади. Мен шу ерда эканман, у ҳеч қаерга кетмайди. Жамоада ажойиб муҳит ҳукмрон. Ҳозирга қадар ўтказилган учта машғулот ҳам яхши даражада ўтди. Мен учун ҳам, айниқса футболчилар учун.Таркиб борасида ҳеч нарса демайман. Олдинги чизиқдаги учлик аниқ сафда бўлади. Қолганлар ҳақида ҳеч нарса демайман. Қолганини эртага кўрамиз. Иско ва Хамес Родригес? Бу икки футболчи жуда яхши ва кучли ижрочилар. Менинг ишим футболчиларга кўмаклашиш, уларни қўллаб-қувватлаш. Албатта, улардан қайси биридир кўпроқ ўйин амалиётига эга бўлади. Муҳими жамоа натижаси.
Трансфер ойнасида жамоадан ҳеч ким кетмаслиги керак. Менга янги футболчилар ҳам керак эмас. Ҳозирги мавжуд футболчилардан кўнглим тўқ. Жамоа қандай ўйнайди? Агарда тўп бизда бўлмаса, унда барча футболчилар бирлашиб ўйнашади. Кимдир ҳимояланмай юриши мумкин эмас. Биз бир жамоа бўлиб ҳаракатланамиз.