"Зенит" ва "Локомотив" - Черишев учун асосий даъвогарлар

Олдинроқ, "Валенсия" трансферлар ойнасида бир нечта ўйинчилар билан хайрлашишга тайёрлиги ҳақида хабар берилган эди, уларнинг орасида россиялик хавбек ҳам бор. Бу ҳақда metaratings.ru сайти хабар берди.

Черишев учун бош даъвогар "Зенит" ҳисобланади. Клуб россиялик футболчини Себастьян Дриуссининг ўрнида ўйнатмоқчи. "Локомотив" ҳам Алексей Миранчукнинг кетиши сабаб унга бефарқ эмас.

Ўйинчининг хизматларига шунингдек "Спартак", "Ростов", "Краснодар" ва ЦСКА клублари ҳам қизиқиш билдирмоқда.

Ла Лига коронавирус пандемияси сабаб тўхтаб қолган. Черишев эса 15та ўйинда майдонга тушиб, 1та гол ва 1та ассист қайд этган. Унинг трансфер нархи 4,8 миллион еврони ташкил этади.

Манба: metaratings.ru