Заза: "Мората билан хайрлашиш мен учун оғир"

- Бизнинг ишимиз шунақа. Футболчилар келаверади, кетаверади. Ҳаётимда мен учун жуда қадрли инсонга айланганлар сони кўп эмас. Альваро Мората мен учун жуда қадрли инсонга айланиб қолган кам сонли одамлардан бири. Жамоадаги баъзи футболчилар билан шунчаки таниш бўласан. Баъзан эса шундайлари бўладики, улар билан жуда яқин алоқалар ўрнатасан, яқин дўст бўлиб қоласан. Мен Мората билан нафақат жамоадош, балки жуда яқин дўст бўлгандим. Асосий таркибга кириш учун бўлган рақобат бизни ҳақиқий дўстга айлантирганди. Энди Мората билан хайрлашиш менга қийин кечмоқда. Альваро, сенга энг яхши тилакларни тилайман. Омад сенга!