"Ювентус" Рабьо билан шартномани узайтирмоқчи

Футболчи ва унинг онаси Вероник клуб раҳбарияти билан учрашди.

Қайд этилишича, ўйинчининг Франция терма жамоаси сафида ЖЧ-2022даги муваффақиятли иштирокидан сўнг томонларнинг умумий фикрга келиши даргумон. 

Рабьога трансфер бозорида талаб бор. Даъвогарлар орасида "Тоттенхэм", "Челси" ва ёзда ўйинчига бир мавсумда 10 млн еврони тўлашни рад этган "Манчестер Юнайтед" бор.

27 ёшли Рабьо жорий мавсум "Юве" сафида 16та ўйинда майдонга тушиб, 5та гол ва 2та ассист қайд этди. У ЖЧ-2022да 6та ўйинда 1та гол ва 1та ассистга эришди.

Унинг "Ювентус" билан шартномаси 2023 йилнинг ёзига қадар мўлжалланган.